Ինքնակամ ոստիկանություն ներկայացած R.Kelly-ին 3-7 տարվա ազատազրկում է սպառնում անչափահասների նկատմամբ սեռական բռնության համար

Չիկագոյի ոստիկանությունը ձերբակալել է հայտնի ամերիկյան կատարող R. Kelly-ին, որը կասկածվում է մի շարք կանանց, այդ թվում ՝ անչափահասների նկատմամբ սեռական բռնություն կատարելու համար:

Ինչպես նշում է USA Today-ը, կատարողն ինքնակամ է ոստիկանական բաժանմունք ներկայացել, ինչից հետո լրագրողները լուսանկարել են՝ ինչպես են նրան ձեռնաշղթաներով տանում:

Հիսուներկուամյակատարողը մեղադրվում է չորս կնոջ նկատմամբ սեռական բռնություն կատարելու համար:

Նրանցից երեքը դեպի կատարման պահին անչափահաս են եղել:

Նրանց տարիքը եղել է 13-17 տարեկանի սահմանում:

Այժմ R. Kelly-ին սպառնում է 3-7 տարի ազատազրկում:

Դատավորի որոշման համաձայն՝ կատարողը կարող է ազատ արձակվել 100 000 դոլար գրավի դիմաց: