Հայաստան-Իրան երկաթգծի կառուցումը ներառված չէ կառավարության 5-ամյա ծրագրում

Հայաստանի կառավարությունն այսօր հրապարակել է իր 5-ամյա ծրագիրը, որում տրանսպորտի ոլորտին վերաբերող հատվածում ներառված չէ Հայաստան-Իրան երկաթուղու կառուցումը։ Ընդհանրապես երկաթուղուն վերաբերող կետերը ծրագրում երկուսն են․

• երկաթուղային սակագների բարելավում.
• երկաթուղային շարժակազմի նորացում և արդիականացում:

Իսկ, ընդհանուր առմամբ, տրանսպորտին վերաբերող ծրագրերն ավելի ընդգրկուն են․

Ավտոմոբիլային, ջրային, երկաթուղային և օդային տրանսպորտի ոլորտում կառավարությունը նախատեսում է.

• մշակել ավտոտրանսպորտի տեխնիկական զննման նոր կանոնակարգեր, տեխնիկական
  զննման կտրոնները փոխարինել էլեկտրոնային համակարգով և ներդնել տեխնիկական զննման փաստացի իրականացման վերահսկողական մեխանիզմներ.
• կանոնակարգել սեղմված բնական կամ հեղուկացված նավթային գազով
  շահագործվող ավտոտրանսպորտային միջոցների վրա գազաբալոնային
  սարքավորումների տեղադրման, բալոնների պարբերական վկայագրման
  գործընթացները.
• իրականացնել ճանապարհային երթևեկության արդյունավետ կարգավորում (այդ թվում՝ smart տեխնոլոգիաների կիրառմամբ, տեղական ինքնակառավարման մարմիների հետ համատեղ տրանսպորտային հոսքերի կազմակերպման սխեմաների և անհրաժեշտ նորմատիվների մշակմամբ).
• իրականացնել ջրային տրանսպորտի գործունեության իրավական կարգավորում.
• ստեղծել ավիաչվերթների աշխարհագրության ընդլայնման և ավիաընկե­րությունների թվի ավելացման համար անհրաժեշտ նախադրյալները.
• ՀՀ քաղաքացիական ավիացիայի կոմիտեի կողմից ակտիվ աշխատանքներիիրագործում՝ ուղղված Հայաստանում ավիացիոն էկո-համակարգերի զարգացման
  նպատակով մասնավոր հատվածից նախագծերի (գաղափարների) ներգրավմանը։

Իսկ մասնավորապես ավտոմոբիլային ճանապարհների ոլորտում՝ նախատեսվում է իրականացնել աշխատանքներ հետևյալ ուղղություններով՝

• միջպետական, հանրապետական և տեղական նշանակության ավտոմոբի­լային ճանապարհների որակի շարունակական բարձրացում.
• ճանապարհային ցանցի կառուցման և վերանորոգման միասնական (ոչ հատվածային) ծրագրի մշակում և հաստատում,
• «Հյուսիս-Հարավ» ճանապարհային միջանցքի կառուցման շարունակություն.կամուրջների և թունելների կառավարման համակարգի ներդրում.
• ավտոմոբիլային ճանապարհների պետական գրանցում.
• ավտոմոբիլային ճանապարհների երթևեկության կազմակերպման կահավո­րանքի բարելավում: