Գլխավոր ճարտարապետը` Լևոն Վարդանյանը, պետք է այդ թույլտվության համար պատասխան տա. Տիգրան Հեքեքյան
«Պուշկինի դպրոցի տնօրենը համաձայնել է, որ մեր փոքրիկների խումբը շաբաթական 4 անգամ փորձ անի, սակայն որքան էլ ջերմ է տնօրենը և հյուրընկալ, միևնույն է, դու չես կարող քեզ զգալ ինչպես քո տանը: Այսօր մենք ելույթ ենք ունեցել Արյունաբանական ինստիտուտում, մենք մեծերի խմբով լիարժեք փորձ չենք կարողանում անել»,- այս մասին ասել է «Հայաստանի փոքրիկ երգիչներ» խմբի ղեկավար Տիգրան Հեքեքյանը «Ազատություն» ռադիոկայանի ուղիղ եթերի ընթացքում՝ անդրադառնալով Արամի փողոցի շենքի պատի փլուզման խնդրին:
Տիգրան Հեքեքյանը նշել է, որ այդ խնդիրն այս քաղաքապետարանի խնդիրը չէր.
«Գլխավոր ճարտարապետը՝ Լևոն Վարդանյանը, պետք է այդ թույլտվության համար պատասխան տա, չէ՞ որ այնտեղ փոքրիկ երեխաներ են: Ես դա համարում եմ հանցագործություն, մեր բախտից ոչ ոք չի զոհվել: Մենք տեղյակ էլ չենք եղել, որ այդտեղ փորելու թույլտվություն կա, հենց փորեցին, վթարը տեղի ունեցավ: Քաղաքապետարանը պիտի հետ կանչեր այդ նախագիծը՝ պահանջեր, որ օրենքին համապատասխաներ, իսկ շենքը մինչ այդ վերանորոգվեր»:
Տիգրան Հեքեքյանը նշել է, որ իրենք դիմել են գլխավոր դատախազին և այժմ քրեական գործ է հարուցված