Պարգևավճարներ են ստանում նաև ռուս պաշտոնյաները

Տարեվերջին աստղաբաշխական պարգևավճարներ կամ, այսպես ասած, 13 -րդ
աշխատավարձ սիրում են ստանալ ոչ միայն հայ պաշտոնյաները։ Խակասիայի երիտասարդ ղեկավար Վալենտին Կոնովալովը դեկտեմբերի վերջին  պարգևավճարներ է բաժանել իր տեղակալներին  և մարզային ղեկավարության անդամներին: 14 աշխատող ստացել է  աշխատավարձի 200-ապատիկի չափով պարգևավճար՝ «Խակասիայի ղեկավարի հանձնարարությունները  հաջողությամբ կատարելու համար»։  Ի դեպ, աշխատողներից շատերը գործի են անցել ընդամենը 1-2 ամիս առաջ:

Օրինակ, «աշխատավարձերի ֆոնդի կրճատման» հաշվին մոտ 1 000 000 ռուբլի պարգև է ստացել փոխմարզպետ Յուլյա Իսմագիլովան, թեև պաշտոնապես ֆիքսվել է 250 000 ռուբլի: Այդ կինն աշխատում է մարզպետարանում դեկտեմբերի 12-ից: Պարզվել է  նաև, որ  նա երկու անգամ է խոշոր պարգև ստացել: Առաջինը դեկտեմբերի 14-ին է եղել՝ հրամանով աշխատանքի ընդունվելուց 2 օր անց: Երկրորդ անգամ պարգև ստացել է աշխատավարձի 300-ապատաիկի չափով: Իսմագիլովան հերքում է միլիոնների մասին խոսակցությունները և խոստանում հրապարակել իր եկամուտները: