Գերմանիան Լենինգրադի շրջապակման մասնակիցներին 12 մլն եվրոյի օգնություն կտրամադրի

Գերմանիայի և Ռուսաստանի ԱԳ նախարարներ Հայկո Մաասն ու Սերգեյ Լավրովը ողջունում են Գերմանիայի կառավարության որոշումը տրամադրել 12 մլն եվրո՝ վետերանների համար հիվանդանոցի վերանորոգման և հանդիպումների ռուս-գերմանական կենտրոնի ստեղծմանն ուղղված, ասվում է գերմանական ԱԳՆ-ի հայտարարության մեջ, հաղորդում է ՐԻԱ Նովոստի-ն:

«Մենք վստահ ենք, որ այդ բարեգործական միջոցառումը կբարելավի ողջ մնացած տուժածների կյանքի որակն ու կնպաստի երկու երկրների ժողովուրդների միջև պատմական հաշտությանը հետագայում մեր երկկողմանի հարաբերությունների հիման վրա»,-նշվում է հայտարարությունում:

1941 թվականի սեպտեմբերի 8-ին սկսված Լենինգրադի շրջափակումը տեւում էր գրեթե 900 օր: Միակ ճանապարհը՝ Կյանքի ուղին, որով քաղաքը ստանում էր սննդամթերք, անցնում էր Լադոժյան լճի սառույցի վրայով: Շրջափակումը կասեցվել էր 1943 թվականի հունվարի 18-ին եւ ամբողջովին դադարեցվել՝ 1944 թվականի հուվարի 27-ին: Այդ ընթացքում զոհվել էր, ըստ տարբեր տվյալների, 400 հազարից մինչեւ 1.5 մլն մարդ: Նյուրնբերգյան դատավարության ընթացքում նշվել էր 632 հազար զոհերի թիվը: Նրանց միայն երեք տոկոսն էր զոհվել ռմբակոծությունների արդյունքում, մնացածը սովամահ էին եղել: