на Русском
Սպիտակի ոլորաններում ձյան տեղումներ են
Վեհափառը նորաօծ քահանաներին հորդորել է հայորդ... 
Հայաստանում իշխանությունը փոխվեց օրինական ճանապարհով. ժիրինովսկին Վենեսուելայի հարցում քննադատել է Թրամփին և օրինակ բերել Հայաստանը
Ռուսաստանի Պետդումայի պատգամավոր, Լիբերալ-դեմակրատական կուսակցության ղեկավար Վլադիմիր Ժիրինովսկին քննադատել է ԱՄՆ-ի իշխանություններին Վենեսուելայի ներքին գործերին միջամտելու համար:
Հիշեցնենք, որ ԱՄՆ նախագահ Դոնալդ Թրամփը Վենեսուելայի նախագահ է համարել երկրի խորհրդարանի խոսնակ, ընդդիմության առաջնորդ Խուան Գուայդոյին:
Ժիրինովսկին ասել է, որ Վենեսուելայում պետական հեղաշրջման փորձ է իրականացվում, մինչդեռ աշխարհում իշխանափոխության շատ ավելի ժողովրդավար ձևեր կան՝ առանց կողմնակի երկրների միջամտության:
«Հայաստանում իշխանությունը փոխվեց օրինական ճանապարհով և խաղաղությամբ: Առանց զոհերի՝ ընդդիմությունը նոր ընտրությունների հասավ»,- Նորությունների դաշնային գործակալության հետ զրույցում ասել է Ժիրինովսկին:
Լիբերալ-դեմոկրատների ղեկավարն ավելի վաղ հայտարարել էր, որ իրականացնելով «թավշյա հեղափոխություն»՝ հայերը օրինակ ցույց տվեցին ամբողջ աշխարհին:
«Հայերը օրինակ ցույց տվեցին ամբողջ աշխարհին: Տղան ուսապարկով քայլեց Երևանի կենտրոնական փողոցներով և վերջ. խորհրդարանում նոր ուժեր հայտնվեցին: Հին ռեժիմից ոչինչ չմնաց, քանի որ նոր մարդիկ ու նոր մոտեցումներ ի հայտ եկան»,- ասել էր Ժիրինովսկին:
