Սննդի կետում հավի մսով շաուրմա ուտելուց հետո 10 քաղաքացի «աղիքային ինֆեկցիա»-ով տեղափոխվել է հիվանդանոց

Ոստիկանության Արտաշատի բաժնի հետաքննչական բաժանմունքում նյութերի նախապատրաստման ընթացքում պարզվել է հունվարի 13-ին Արտաշատ բժշկական կենտրոն «աղիքային ինֆեկցիա» ախտորոշմամբ տեղափոխված քաղաքացիների ինքնությունը:

Shamshyan.com-ի փոխանցմամբ, պարզվել է՝ հիվանդանոց են տեղափոխվել Արարատի մարզի բնակիչներ, 19-ամյա Հայկ Ս.-ն, 16-ամյա Է. Բ.-ն, 18-ամյա Սամվել Շ.-ն, 25-ամյա Գոռ Ժ.-ն, 34-ամյա Նարեկ Բ.-ն, 26-ամյա Գրիշա Հ.-ն, 32-ամյա Արսեն Հ.-ն, 34-ամյա Անատոլի Մ.-ն, 28-ամյա Արարատ Հ.-ն, 23-ամյա Գրիգոր Բ.-ն:

Արտաշատի ոստիկանները պարզել են, որ նշված անձինք հիվանդանոց են տեղափոխվել Արտաշատ քաղաքի Մարքսի փողոցի 15/5 հասցեում գործող «Ագա Ֆուդ Կորտ» սննդի կետից հավի մսից պատրաստված շաուրմա ուտելու հետևանքով: Աղբյուրի տեղեկություններով՝ հիվանդանոց տեղափոխվածներից Նարեկ Բ.-ն աշխատում է Հայաստանի քննչական կոմիտեի Արարատի մարզային քննչական վարչությունում՝ որպես ավագ քննիչ: