Շվեդիայում բախվել են բեռնատարն ու միկրոավտոբուսը. կան զոհեր

Շվեդիայի հյուսիսում վեց մարդ զոհվել, մեկը վիրավորվել է հանքարդյունահանման ընկերության բեռնատարի եւ միկրոավտոբուսի բախումից, տեղեկացնում է Ասոշիեյթիդ պրեսը։

Kaunis Iron ընկերությունում տեղեկացրել են, որ միջադեպը տեղի է ունեցել Ֆինլանդիայի հետ սահմանին գտնվող գյուղում, տեղի ժամանակով ժամը 02.00-ին։ Բեռնատարի վարորդը ողջ է մնացել։

Շվեդական Aftonbladet թերթն, իր հերթին, տեղեկացրել է, որ զոհվել է միկրոավտոբուսի 6 կամ 7 ուղեւոր, որոնք օտարերկրացիներ են եղել։ Տուժածներից մեկը ուղղաթիռով հասցվել է հիվանդանոց։