Ադրբեջանի ԱԳՆ-ն արձագանքել է Զախարովայի՝ ազգությամբ հայ ՌԴ քաղաքացիների մուտքը երկիր արգելելու վերաբերյալ հայտարարությանը

Ադրբեջանի արտգործնախարարության մամուլի ծառայության ղեկավար Լեյլա Աբդուլաևան, մեկնաբանելով ՌԴ ԱԳՆ պաշտոնական ներկայացուցիչ Մարիա Զախարովայի՝ ազգությամբ հայ ՌԴ քաղաքացիների մուտքը երկիր արգելելու մասին հայտարարությունը, այն սադրիչ ու հակաադրբեջանական է որակել:

Միևնույն ժամանակ նա ընդգծել է, որ դա բացասական ազդեցություն չի ունենա Ադրբեջանի ու Ռուսաստանի հարաբերությունների վրա:

«Ադրբեջանը միշտ բաց է ՌԴ քաղաքացիների համար: Միայն 2018թ. ՌԴ 880 000 քաղաքացի այցելել է մեր երկիր»,-ասել է Աբդուլաևան՝ հավելելով, որ նրանց կողմից տվյալ հարցի առնչությամբ որևէ բողոք չի եղել: Աբդուլաևայի խոսքով՝ այցելածների թվում եղել են նաև հայեր, և «նրանք որևէ խնդրի չեն առնչվել»:

Խոսնակը նշել է, որ Զախարովան առաջին անգամը չէ, որ ռուս-ադրբեջանական ռազմավարական հարաբերությունների ոգուն հակասող հայտարարությամբ է հանդես գալիս:

Անդրադառնալով Զախարովայի ելույթի այն հատվածին, որում նա հայտարարել էր, որ ադրբեջանական կողմը խոստացել է շտկել իրավիճակը, Աբդուլաևան ասել է. «Մենք վճռականորեն հերքում ենք դա: Ռուս-ադրբեջանական հարաբերությունները հիմնված են իրավահավասարության վրա, մինչդեռ «կշտկեն իրավիճակը» արտահայտությունը հակասում է իրավահավասար երկկողմ հարաբերությունների էությանը»,-նշել է խոսնակը:

Հիշեցնենք, որ հունվարի 11-ի ճեպազրույցի ժամանակ Մարիա Զախարովան ասել էր, որ Մոսկվան լիահույս է, որ Բաքուն կհրաժարվի էթնիկ պատկանելիության հիմքով ՌԴ քաղաքացիների, մասնավորապես՝ ազգությամբ հայերի նկատմամբ վարվող խտրական քաղաքականությունից և չի խոչընդոտի նրանց մուտքն Ադրբեջան:

Նա ուշագրավ էր համարել բազմաթիվ հրապարակումները, այդ թվում՝ սոցկայքերում, համաձայն որոնց ադրբեջանական իշխանությունները խտրական քաղաքականություն են վարում ՌԴ քաղաքացիների նկատմամբ՝ հիմնվելով նրանց էթնիկ ծագման վրա:

«Եթե խոսենք վիճակագրության մասին, ապա նախորդ տարի մենք տեղեկացել ենք առնվազն 16 դեպքի մասին, երբ, ՌԴ քաղաքացիների էթնիկ ծագումը հիմք ընդունելով, նրանց թույլ չեն տվել Ադրբեջանի տարածք մուտք գործել: Միևնույն ժամանակ ՌԴ քաղաքացիներին մի քանի ժամ սպասեցրել են օդանավակայանում, ինչից հետո բռնի կերպով հետ են ուղարկել երկրից՝ առանց պաշտոնական պատճառ նշելու»,-ասել էր Զախարովան:

ՌԴ ԱԳՆ մամուլի խոսնակը նկատել էր, որ նման դեպքերը, ցավոք, վատ ու սխալ ավանդույթ են դառնում: Նա ընդգծել է, որ նման դեպքերը ՌԴ քաղաքացիների իրավունքի կոպիտ խախտում են, հակասում են ռուս-ադրբեջանական հարաբերությունների ոգուն:

Զախարովայի խոսքով՝ ռուսական կողմն ադրբեջանական իշխանությունների ուշադրությունը բազմիցս հրավիրել է ստեղծված իրավիճակի անընդունելիության վրա, պահանջել է դադարեցնել տվյալ պրակտիկան, քանի որ այն համատեղելի չէ երկու երկրների միջև բարեկամական հարաբերությունների հետ:

«Ադրբեջանական ղեկավարության հետ շփումների ընթացքում մենք վստահեցում ենք ստացել առ այն, որ իրավիճակը կշտկվի, և լիահույս ենք, որ այդպես կլինի»,-եզրափակել էր Զախարովան:

ԼՐԱՀՈՍ
10:40 • 12/01
«Սադրիչ ու հակաադրբեջանական». Ադրբեջանի ԱԳՆ-ն արձագանքել է Զախարովայի՝ ազգությամբ հայ ՌԴ քաղաքացիների մուտքը երկիր արգելելու վերաբերյալ հայտարարությանը
10:32 • 12/01
Արցախի Մարտակերտում կատարված վիճաբանության փաստով հարուցված քրգործի շրջանակներում 2 անձ է ձերբակալվել
10:27 • 12/01
«Եվրատեսիլ-2019» մրցույթում Ռուսաստանը կարող է ներկայացնել Օլգա Բուզովան
10:13 • 12/01
Սարավանի լեռնանցքում տեղ-տեղ մերկասառույց է
10:10 • 12/01
«168 ժամ». Թավշյա, ոչ բռնի, ժողովրդական թանկացումներ. 2019թ. թանկացումների առնվազն 3 ալիք է սպաս­վում
10:05 • 12/01
Լարսի ռուսական կողմում կա կուտակված 158 բեռնատար, 79 մարդատար ավտոմեքենա և 1 ավտոբուս
10:02 • 12/01
Բելգիայում «դեղին անթև բաճկոնների» ակցիայի մասնակից է զոհվել
09:57 • 12/01
Քաղաքացին սպառնացել է նետվել Երևանի Հաղթանակ կամրջից. ինքնասպանության փորձը կանխվել է
09:36 • 12/01
«168 ժամ». Ո՞վ է վերանորոգում ԱԺ-ում Ալեն Սիմոնյանի աշխատասենյակը
09:25 • 12/01
Երևանի ձիարշավարանի մոտակայքում մեքենան դուրս է եկել ճանապարհի երթևեկելի գոտուց և բախվել պատին. կա տուժած
09:24 • 12/01
«168 ժամ». Առաջիկա ամիսներին ևս ՀՀ-ԵՄ համաձայնագրի վավերացման ուղղությամբ որևէ տեղաշարժ չեմ կանխատեսում. Սյուզան Ստյուարտ
09:19 • 12/01
Երևանյան բնակարաններից մեկում դի է հայտնաբերվել
09:11 • 12/01
Ամենաջղային դեմքով կատուն ավելի քան 228 000 հետևորդ ունի Instagram-ում (լուսանկարներ)
08:46 • 12/01
«Ժամանակ». Մանվել Գրիգորյանը մեկնել է Արցախի, գտնվում է