на Русском
Ոստիկանության Կումայրի բաժնում քաղաքացուն կապ... 
ՀՀ ԶՈՒ հավաքականը թիմային աղյուսակում հունահռ... 
Տոնածառ միշտ էլ կլինի, ինչպես և հայրենյաց անտուն պաշտպան, քանի որ ես երբեք քաղաքապետ չեմ լինի. Սամվել Կարապետյան
Հուշարձանագետ Սամվել Կարապետյանը Facebook-ի իր էջում գրել է.
«Եթե ես լինեի…
Պատերազմող երկիր ենք, ու դիրքեր ունենք ծովի մակերևույթից 3000 մ և ավելի բարձրության վրա, որտեղ զրոյից ցածր` 20-30 աստիճանը սովորական բան է, բայց կանգնած են տղերքն իրենց 150-200 հազար դրամ աշխատավարձով, շատերի ընտանիքներն էլ վարձով տներում…
Դիմացը նոր տարի է, տրամադրությունները նախատոնական, հետո կլինի տոնական, ավելի հետո էլ հետտոնական ու այդ ամենը տղերքի հույսով ու նրանց նվիրումի հաշվին…
Եթե ես քաղաքապետ լինեի` նախորդ իշխանությունների նման հրապարակի մեջտեղում տոնածառ տնկելուց առաջ կդիմեի քաղաքացիներիս ու կհարցնեի` սիրելիներ, հասկանում եմ, որ տոնածառն ուրախ տրամադրության աղբյուր է` նոր տարվա խորհրդանիշ, բայց մտքովս մի բան է անցել` այս տարի, մեծ տոնածառի կանգնեցման փոխարեն դրա համար նախատեսված գումարով մեր հայրենյաց պաշտպաններից տուն չունեցողներից մի 8-10 ընտանիքի համար բնակարան գնենք ու իրենց նվիրենք: Այդպես մեր երկրի մի խումբ պաշտպաններ կերջանկանան ու մենք էլ իրենց ուրախությամբ մեզ լավ կզգանք: Ի՞նչ եք կարծում, այդպես անե՞նք, թե ո՛չ, որոշողը դո՛ւք եք…
Չանհանգստանաք հանկարծ, տոնածառ միշտ էլ կլինի, ինչպես և հայրենյաց անտուն պաշտպան, քանի որ ես երբեք քաղաքապետ չեմ լինի…»:
