Արծվիկ Մինասյանը Ամանորին այնպես է գինովցել, որ առավոտյան հայտնաբերել է՝ դրսում է քնել

Operativ.am-հետ զրույցում ՀՅԴ անդամ, ԱԺ կուսակցության պատգամավոր Արծվիկ Մինասյանը պատմում է Ամանորի հետ հապված կիր հետաքրքիր հուշերի մասին:

Ինչպե՞ս եք անցկացնելու այս տարվա Ամանորը:

Ինչպես ամեն տարի, այս տարի ևս նշելու եմ ընտանեկան միջավայրում, այնուհետև այցելություն գյուղ՝ մայրիկիս մոտ, այցելություններ ընկերներիս և բարեկամներիս տներ, այսինքն ինչպես հայկական ավանդական Նոր տարին է լինում:

Ցանկություն չկա՞ր արտերկիր մեկնելու:

Ցանկություն կար, բայց հնարավորությունների բացակայությունը թույլ չի տալիս ի կատար ածել այդ ցանկությունը:

Ձեր ամենասիրելի ամանորյա ուտեստը:

Թփով և պասուս դոլմա:

Հավատու՞մ եք Ձմեռ պապիկի գոյությանը: Ձմեռ պապիկի գոյությանը միշտ պետք է հավատալ, առանց այդ հավատքի հնարավոր է չէ լավատես լինել:

 Այս տարի ի՞նչ նվեր եք սպասում Ձմեռ պապիկից:

Նվեր արդեն զավակներս են սպասում, և Ձմեռ պապը, լսելով իրենց ցանկությունները, կատարում է այն:

Ամենահետքրքիր նվերը, որ ստացել եք Ամանորին ի՞նչ է եղել և ու՞մ կողմից:

Այնպես է ստացվել, որ իմ ծննդյան օրը համընկնում է Ամանորի հետ. հունվարի մեկին է, երևի թե ամենամեծ նվերը այն շնորհավորանքներն են, որ հղվում են իմ հասցեին:

Զվարճալի միջադեպ, որ  եղել է Ամանորին:

Պատանի տարիներին եղել է. գյուղում էի, այնտեղ մի սովորույթ կար, որ Ամանորի գիշերը պետք է հավաքվեինք մեկի տանը, այդպես այցելելով բոլորի տները, այնքան էինք գինովցել, որ առավոտյան հայտնաբերեցինք, որ դրսում ենք քնել:

 Այդ դեպքից հետո եղե՞լ են նման դեպքեր, որ այնքան գինովցած լինեք, ոչինչ չհիշեք: Եղել են դեպքեր, որ գինովցած եղել եմ, բայց ոչ այն աստիճան, որ ոչինչ չհիշեմ. դա ուղակի պատանեկան տարիքն էր, որ գինին «հարվածել» էր գլխիս:

Հեղինակ՝Սեդա Ղուկասյան