ՀՀ ԶՈւ ինքնաթիռի որոնմանը մասնակցում են և՛ ուղղաթիռ, և՛ հետիոտն փրկարարների խմբեր․ ՊՆ խոսնակ
Այսօր առավոտյան ուսումնամարտական թռիքչի ընթացքում ուսումնական կենտրոնի հետ կապը կորցրած ինքնաթիռի ու նրա երկու օդաչուների որոնմանը մասնակցում են և՛ ուղղաթիռով, և՛ հետիոտն փրկարարների խմբերով։ Այս մասին հայտնել է ՀՀ ՊՆ խոսնակ Արծրուն Հովհաննիսյանը։
Նա տեղեկացրել, որ մոտավոր գիտեն, թե որտեղ պետք է փնտրել ինքնաթիռը․ դա Մարալիկի մոտակայքն է, որտեղ էլ կատարվում են որոնումները։
Արծրուն Հովհաննիսյանը տեղեկացրել է, որ ինքնաթիռը Սու-25ՈւԲ ուսումնական տիպի ինքնաթիռ է, և վթարի դեպքում օդաչուները կարող էին դրանից դուրս ցատկել պարաշյուտների միջոցով։
Ավելի վաղ հայտնել էինք, որ ուսումնամարզական թռիչք իրականացնող ՀՀ ԶՈւ ՍՈՒ-25 մարտական ինքնաթիռի հետ կապը կորել է: