на Русском
Երևանի պարեկները թմրանյութի ապօրինի շրջանառու... 
Սուրեն Պապիկյանն այցելել է սահմանագոտի (լուսա... 
Ադրբեջանը մեծացնում է ագրեսիվ հռետորաբանությունը, սա չի նպաստում վստահության հաստատմանը. Զատուլինը՝ «Լազարևյան ակումբի» նիստին
Լեռնային Ղարաբաղի հարցը բացառապես խաղաղ ճանապարհով պետք է կարգավորվի: Այս մասին «Լազարևյան ակումբի» նիստում հայտարարեց ՌԴ Պետական դումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը:
«Ես բավարար չափով չեմ հիշում, թե ինչպես է զարգացել բանակցային պրոցեսը: Ռուսաստանի համար Ղարաբաղը Խորհրդային միության փլուզումն էր հիշեցնում, դժվար էր հրապարակային ելույթներ ունենալ այս մասին, որովհետև ցանկություն կար լավ հարաբերություններ պահել հարևան Ադրբեջանի հետ»,- ասաց Զատուլինը:
Պատգամավորի խոսքով՝ Հայաստանը ՀԱՊԿ, ԵԱՏՄ անդամ է, իսկ Ադրբեջանը՝ ոչ: Ավելին, Կ. Զատուլինը հիշեցրեց, որ ժամանակին Ադրբեջանը մասնակցում էր մեկ այլ ֆորմատի՝ Վրաստան-Ուզբեկստան-Ուկրաինա-Մոլդովա, որը բաժանում էր հետխորհրդային տարածքը ճամբարների:
«Ադրբեջանը մտնում է այն պետությունների մեջ, որոնք դիրքավորում են իրենց ոչ թե որպես այլընտրանք Ռուսաստանին, այլ հետխորհրդային տարածքին այլակարծիք միավոր: Մեծ դժվարությամբ է հաջողվում հրապարակային քննարկում անցկացնել Ղարաբաղի հարցում, ասում են՝ եկեք թողնենք այս հարցը, որ չվնասենք, չխանգարենք: Մենք չենք կարող չքննարկել հարցը»,- նշեց ՌԴ պետդումայի պատգամավորը:
Կոնստանտին Զատուլինը նկատեց, որ վերջնական պայմանավորվածությունը ենթադրում է Ղարաբաղի անկախության ճանաչում և այն շրջանների վերադարձ, որոնք նախկինում չեն եղել Ղարաբաղի մասը:
«Սա այն է, ինչ ցանկացած կոնֆլիկտի լուծման հիմքում է: Ասել, որ պետք է վերադարձնել շրջանները նրա դիմաց, որ ապագայում Բաքուն կճանաչի ԼՂ անկախությունը, դժվար թե իրականություն դառնա:
Այսօր Ադրբեջանը 2016-ին հրադադարի ռեժիմի խախտման մեղավորն է, Ադրբեջանը մեծացնում է ագրեսիվ հռետորաբանությունը, մենք ամեն օր լսում ենք հարցը ուժով լուծելու մասին, ասվում է, որ կգրավեն ոչ միայն Ղարաբաղը, այլև Երևանը և սա չի նպաստում վստահության հաստատմանը»,- շեշտեց պատգամավորը:
Նա նշեց, որ Ադրբեջանը մեծացնում է լարվածությունը մարդկանց «սև ցուցակներում» ընդգրկելով ու այլ պետությունների տարածքներում ձերբակալելով, ինչպես դա եղավ բլոգեր Լապշինի պարագայում:
«Ես վստահ եմ, որ Ադրբեջանի համար էլ Ղարաբաղի հարցի շուրջ լարվածության մեծացումը նպաստավոր չէ: Ինչպես Մոլդովայի, Վրաստանի, այնպես էլ Ադրբեջանի պարագայում, տարածքների վերադարձման քաղաքականությունը չի նպաստում երկրի զարգացմանը: Մենք պետք է և կարող ենք կենտրոնանալ, որ ռազմական գործողություններ տեղի չունենան»,- հավելեց նա:
