«Շիկահող» արգելոցում մեծաթիվ հաստաբուն ծառեր են հատվել
Կապան-Մեղրի ճանապարհի՝ «Շիկահող» պետական արգելեցի տարածքով անցնող՝ 40-45 կմ ճանապարհահատվածի երկու կողմերում ու ավելի խորքային հատվածներում մեծաքանակ ծառահատումներ են կատարվել:
Econews-ի փոխանցմամբ՝ այս մասին ֆեյսբուքյան իր էջում գրառում է կատարել բնապահպանության և ընդերքի տեսչական մարմնի Սյունիքի տարածքային բաժնի ավագ պետական տեսուչ Գևորգ Գասպարյանը:
«Այսօրվա շրջայցի ժամանակ պարզվեց, որ Կապան-Մեղրի ճանապարհը, որը անցնում է «Շիկահող» պետական արգելոցով 45-54 կմ աջ և ձախ կողմում վնասել են ճանապարհի եզրերը ցույց տվող նշանները և կատարել ապօրինի ծառահատում: Կտրված է կանգուն չոր, կիսաչոր տարբեր տրամաչափի ծառեր, սկսած 30-50սմ տրամագծով, իսկ ճանապարհից դեպի անտառի բարձր գոտիներ կտրված են 25 և ավելի թաց հաստաբուն կաղնիներ:
Հատված հաստաբուն կաղնիների փայտանյութի մի մասը դեռ տեղում է: Կտրելուց հետո «խելոքները» մթոմ քողարկել են, կոճղին լցնելով, հող և խոտ, բայց չեն հասկանում, որ ինչքան էլ քողարկեն բացահայտվելու է: Այս ամենը կարելի է որակել բարբարոսություն սեփական բնության նկատմամբ, այս մարդիկ չեն սիրում մեր Հայրենիքը և մեր բնությունը, այս մարդիկ միայն վնասելու համար են, և նաև նրանց պատասխանատուները, ովքեր աչք են փակում այս ամենին կամ դիտավորյալ լռում են, որոնք տեղյակ են և պետությունից ստանում են աշխատավարձ և ընդառաջում են ապօրինի ծառահատման, իրենց համարելով անպատժելի: Ոչ մեկը անպատիժ չի մնալու, բոլորը իրենց արժանի պատիժն են ստանալու»,- գրում է նա: