Բիլ Գեյթսը հրաժարվել է համագործակցել սաուդյան հիմնադրամի հետ՝ Խաշոգջիի սպանության պատճառով

Microsoft-ի հիմնադիր, ամերիկացի միլիարդատեր Բիլ Գեյթսը հրաժարվել է Սաուդյան բարեգործական կազմակերպության հետ հետագա համագործակցությունից, որը սերտորեն կապված է արքայազն Մուհամեդ բին Սալմանի հետ, հաղորդում է ՏԱՍՍ-ը հղում կատարելով Fortune ամսագրին:

Խոսքը Misk կոչվող ֆոնդի մասին է, որը հիմնել է Սաուդյան թագաժառանգը՝ 2011 թվականին: Գեյթսի և նրա կնոջ՝ Մելինադայի հիմնադրամը, մասնակցել է մոտ 10 միլիոն դոլար արժողությամբ «Misk»-ի բարեգործական նախաձեռնություններից մեկին, ուղղված՝ աշխարհի երիտասարդներին դրամաշնորհներ տրամադրելուն` կրթական և կայուն զարգացման իրենց նորարարական ծրագրերը իրականացնելու համար:

Գեյթս ամուսինները խոստացել էին 5 մլն դոլար նվիրատվություն կատարել, որից1,5 մլն դոլարը Misk-ը արդեն ստացել է, ըստ Fortune-ի: Այնուամենայնիվ, Սաուդյան լրագրող Ջամալ Խաշոգջիի սպանության հետ կապված իրավիճակի պատճառով Գեյթս հիմնադրամը որոշել է հետագայում հրաժարվել Միսկի հետ համագործակցությունից:

«Ջամալ Խաշոգջիի առևանգումը և սպանությունը չափազանց անհանգստացնող է», - գրում է «Գեյթս» հիմնադրամը: Հիմնադրամը նշում է, որ «մտահոգությամբ է հետևում» լրագրողի սպանության քննությանը և «չի ծրագրում ֆինանսավորել Misk-ի հետագա բարեգործական նախաձեռնությունները: