на Русском
«Պարոն Պապոյան, ինչի՞ եք էդ թվերը հանգիստ տոն... 
Հացի արտադրամասը չպետք է աշխատի նման պայմաննե... 
Լևոն Հայրապետյանը զանգահարել և հայտնել էր իրեն թունավորելու կասկածների մասին.. Պարգև Սրբազան
Ռուսական «Կոմերսանտ» թերթի փոխանցմամբ՝ ՌԴ քննչական կոմիտեն կուսումնասիրի գործարար և բարերար Լեւոն Հայրապետյանի մահվան թունավորման վարկածը:
Ըստ աղբյուրի՝ մահանալուց առաջ Հայրապետյանն իրեն թունավորելու մասին տեղեկացրել էր եղբորը և Արցախի թեմի առաջնորդ Պարգև արքեպիսկոպոս Մարտիրոսյանին:
Արդյո՞ք եղել է նման բան. հարցի կապակցությամբ «Արցախպրես»-ի հետ զրույցում Արցախի թեմի առաջնորդ Պարգև արքեպիսկոպոս Մարտիրոսյանն ասել է, որ մահից առաջ՝ հոկտեմբերի 17-ի երեկոյան, Լևոն Հանյրապետյանը զանգահարել էր և հայտնել իրեն թունավորելու կասկածների մասին:
«Երբ նա զանգահարեց ինձ, հազիվ էր խոսում, ձայնն էլ մի տեսակ էր: Նրան հարցրի, թե ինչ է պատահել, ասաց, որ շաքարն է իջել: Այնուհետև հարցրի, թե ինչպես է իրեն զգում, նա էլ ասաց, որ կասկածում է, որ իրեն թունավորել են: Ինձ թվաց, թե նա ուղղակի բանտային կյանքից հուսալքված է, փորձեցի անգամ գոտեպնդել»,- նշել է Պարգև Սրբազանը՝ ավելացնելով, որ իրենց խոսակցությունից ժամեր անց հայտնի է դարձել մեծ բարերարի մահվան բոթը:
