Նոր խթանիչ իմպլանտը կարող է փրկել դեպրեսիայից
Եթե հակադեպրեսանտները հիվանդին չեն օգնում, հնարավոր է, արժե դիմել նոր սերնդի իմպլանտային սարքերին: Վաշինգթոնի համալսարանի բժշկական դպրոցը վերջերս նման սարքի՝ թափառող նյարդի խթանիչի թեստավորում է կատարել: Գիտնականների խոսքով, սարքը բարելավել է հիվանդի վիճակը անգամ ամենածանր դեպքերում, երբ դեղերն անզոր են եղել:
Հետաքրքիր է, որ խթանիչ իմպլանտն օգտագործելուց հետո դրական ազդեցությունը 5 տարի պահպանվել է: Մարդկանց ընդհանուր վիճակը բարելավել է, բարձրացել է լիբիդոն, նրանք ավելի հաճախակի են շփվել շրջապատի հետ:
Սարքի փորձարկմանը ներգրավել են մոտ 600 մարդու: Նրանք բոլորը ստանդարտ հակադեպրեստանտներ են ստացել, սակայն կեսին խթանիչի իմպլանտ են տեղադրել, որը միանում էր թափառող նյարդին:
Արդյունքում իմպլանտով մարդկանց մոտ 34 տոկոսով նկատվել է դեպրեսիայի նախանշանների նվազում, ինչը զգալիորեն արտահայտվում էր կյանքի որակի բարձրացմամբ:
Ի դեպ նման սարքը հավանության է արաժանացել էպիլեպսիայի բուժման համար: Ուղեղի սկանավորման անալիզի արդյունքները ցույց են տալիս, որ թափառող նյարդի խթանումը արտահայտվում է ճակատային կեղեւի, կենտրոնական մասի, ինչպես նաեւ ուղեղի ցողունի փոփոխություններում: