ՌԴ-ի պաշտպանության նախարարությունն ամփոփել Է Սիրիայում ռազմական գործողության արդյունքները

Ռուս զինվորականները Սիրիայում օդուժի և թևավոր հրթիռների հարվածներով ոչնչացրել են 86 հազար զինյալների, այդ թվում՝ Ռուսաստանից եւ ԱՊՀ-ի երկրներից 4,5 հազար սերածների:

Այս տվյալները բերված են այն տեսահոլովակում, որն օգոստոսի 22-ին YouTube-ում հրապարակվել Է ՌԴ-ի պաշտպանության նախարարության (ՊՆ) պաշտոնական ալիքում, տեղեկացնում Է «Արմենպրես»-ը:

«Օդուժի և թևավոր հրթիռների հարվածների շնորհիվ ոչնչացվել Է ահաբեկիչների 121 466 օբյեկտ, այդ թվում 970 դաշտային ճամբար, 20 513 հենակետ, զինամթերքի և վառելիքաքսուքային նյութերի 9 941 պահեստ, 649 տանկ, 731 հետեւակի մարտական մեքենա, 8 927 ավտոմոբիլ՝ զենիթային կայանքներով:

Վերացվել են հրոսակային կազմավորումների 836 պարագլուխներ, ավելի քան 86 հազար զինյալներ, այդ թվում 4,5 հազարը՝ ՌԴ-ից եւ ԱՊՀ-ի երկրներից սերածներ»,- ասված Է տեսանյութում:

Գերատեսչությունում նաև հայտնել են, որ ավելի քան 63 հազար ռուսաստանցի զինծառայողներ, այդ թվում 26 հազար սպաներ եւ 434 գեներալներ են մարտական փորձ ձեռք բերել Սիրիայում: Հաղորդել Է ՏԱՍՍ-ը: