на Русском
Մանասյանն ընդունել է Equal Right Trust հիմնադ... 
Եղեգնաձորում կրակոցներ են հնչել, փորձել են մա... 
Պուտինի բաժակաճառը՝ Ավստրիայի արտգործնախարարի հարսանիքին (տեսանյութ)
Ռուսաստանի Դաշնության նախագահ Վլադիմիր Պուտինը, ներկա գտնվելով Ավստրիայի արտգործնախարար Կարին Քնայսլի հարսանիքին, ոչ միայն պարել է հարսի հետ, այլև հատուկ բաժակաճառ է ասել տոնախմբության ժամանակ։
Ինչպես գրում է gazeta.ru-ն, բաժակաճառի տեսանյութն արդեն հայտնվել է համացանցում։
Պուտինը մաղթել է նորապսակներին երկար ու երջանիկ համատեղ կյանք, ինչպես նաև նշել է, որ իր համար շատ հաճելի է շփվել Քնայսլի հետ, ով ձգտում է առավել մոտիկից ծանոթանալ ռուսական մշակույթի հետ։
«Թանկագին նորապսակնե՛ր, հարգելի՛ տիկին Քնայսլ, հարգելի՛ պարոն Մայլենգեր, հարգելի՛ տիկնայք և պարոնայք։ Ինձ համար մեծ ուրախություն է ընկերասեր Ավստրիան ևս մեկ անգամ այցելելու այս առիթը։ Ինձ նաև առավել ուրախացնում է այն առիթը, որի համար մենք հավաքվել ենք Ավստրիայի «կանաչ սրտում»՝ Շտիրիայոմ», - ասել է Պուտինը՝ նշելով, որ Ավստրիայի արտգործնախարարին ու նրա ամուսնուն միշտ ուրախ են տեսնել Ռուսաստանում։
«Չկա որևէ կասկած, որ բոլոր հավաքվածներն այսօր կիսում են ձեր զգացումներն ու մաղթում ձեզ ընտանեկան երջանկություն ու բարեկեցություն», - եզրափակել է ՌԴ նախագահը։
