Թուրքիան բոյկոտում է ԱՄՆ-ում արտադրված էլեկտրոնային ապրանքները

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան բոյկոտում է  ԱՄՆ-ում արտադրված էլեկտրոնային ապրանքները:

«Մենք բոյկոտելու ենք ամերիկյան էլեկտրոնային ապրանքները: Եթե նրանք ունեն ​​iPhone, ապա մեզ համար միյուս կողմում կա Samsung: Մեր երկրում ունենք Vestel Venüs: Մենք այդ միջոցները կկիրառենք»,- ասել է Էրդողանը օգոստոսի 14-ին` ելույթ ունենալով իշխող «Արդարություն և զարգացում» կուսակցության (ԱԶԿ) հիմնադրման 17-ամյակին նվիրված համաժողովում:

Էրդողանի որոշումը, բոյկոտելու ամերիկյան էլեկտրոնային ապրանքները , գալիս են փաստելու Անկարայի և Վաշինգտոնի միջև արդեն փխրուն հարաբերությունները,որի պատճառով թուրքական լիրան արագ անկում ապրես ԱՄՆ դոլարի նկատմամբ:
Խոսելով տան տնտեսական ճգնաժամի մասին, նա վերահաստատել է , որ լիրայի ներկայիս տատանումները տնտեսական հիմքեր չունեն, այլ արտացոլում են «Թրամփի վարչակազմի գլխավորած գլոբալ արշավը»:

«Թուրքիայի վրա բաց տնտեսական հարձակում կա: Այս բաները նախկինում օգտագործվում էին գաղտնի և ավելի բարդ ու փակ ձևով: Այժմ նրանք ուղղակիորեն են անում դա », - ասել է նա, հավելելով, որ Թուրքիայի ապագա գործողությունները կախված կլինեն տնտեսական քաղաքական երկու մոտեցումներից:

Համաշխարհային տնտեսական արշավի դիմաց Թուրքիան իր միջոցներն է ձեռնարկում՝ հաշվի առնելով սեփական խնդիրները ընթացիկ հաշվի դեֆիցիտի, տոկոսադրույքների և գնաճի վերաբերյալ:

Բացի տնտեսական միջոցներից Թուրքիան կփորձի պահել քաղաքական դիրքորոշումը, որն ավելի կարևոր է , ըստ Էրդողանի:
«Նրանք պետք է հասկանան, թե ինչ ենք արել, և ինչ ենք անելու: Մենք ինքնաբավ կլինենք: Մենք արտադրելու ենք այն, ինչ մենք չունինք: Մենք արտահանելու ենք այն ապրանքները, որոնք մենք ձեռք էինք բերում՝ ավելի լավ տարբերակներ արտադրելով », - ասել է Էրդողանը:

Նա կոչ է արել գործարարներին և արդյունաբերողներին չդանդաղել արտադրության մեջ, հակառակը, արտադրել ավելի շատ:

«Մենք ավելի շատ կներկայացնենք, ավելի շատ արտահանելու ենք: Գործարանները պետք է վստահ լինեն, որ լավ է լինելու: Արտադրել, արտադրել ևարտադրել: Արտահանում, արտահանում և արտահանում: Եվ մենք ավելի շատ աշխատատեղ կստեղծենք: Մենք ավելի շատ ջանք կգործադրենք », - ասել է Էրդողանը:
Նա նաև կոչ է արել թուրք քաղաքացիներին իրենց դոլարները փոխանակել:

Կարեն Հովհաննիսյան. Ֆեյսբուք