Մանրամասներ` Էրդողանի խոսնակի և արք․ Արամ Աթեշյանի քննարկումներից

Թուրքիայի ազգային ու կրոնական փոքրամասնությունների ներկայացուցիչների ու նախագահի խոսնակ Իբրահիմ Քալընի հետ հանդիպման մանրամասներ է ներկայացրել Ստամբուլի հայկական «Ակոս» պարբերականը։

Ըստ պարբերականի՝ Թուրքիայի նախագահի խոսնակի հետ հանդիպմանը մասնակցել է նաև

Պոլսո հայոց փոխպատրիարք արք․ Արամ Աթեշյանը։ Հանդիպման ժամանակ արք․ Արամ Աթեշյանը նախագահի խոսնակի հետ քննարկումներում ուշադրության է հրավիրել այն հանգամանքը, որ մինչև հիմա դեռ հստակեցված չէ Հայոց պատրիարքարանի կարգավիճակը որպես իրավաբանական անձ, որի պատճառով պատրիարքարանը չի կարողանում շահույթ ստանալ։

Աթեշյանը նաև խոսել է հայկական հիմնադրամների ղեկավարների ընտրությունների հետ կապված ստեղծված իրավիճակից, քանի որ այստեղ ևս կախում կա իշխանություններից։

Նախագահի խոսնակը իր մոտ նշել է Աթեշյանի բարձրացրած խնդիրները։ Մեկ այլ հանգամանք է հայտնի դարձել, որ հանդիպմանը չի խոսվել Հայոց պատրիարքի ընտրության մասին։