Թրամփ. New York Times-ը և The Washington Post-ը յոթ տարուց կսնանկանան

ԱՄՆ նախագահ Դոնալդ Թրամփը շաբաթ կարծիք է հայտնել, որ երկրի երկու առաջատար թերթերը` The New York Times-ը և The Washington Post-ը «յոթ տարուց» կդադարեն գոյություն ունենալ, քանի որ իր կարծիքով, հորինված նյութեր են տարածում, հաղորդում է ՏԱՍՍ-ը:

«Twitter սոցցանցը ռեկորդային տեմպերով ազատվում է կեղծ էջերից: Ընդգրկվելու են արդյոք այդ ցանկում The New York Times-ի կեղծ լուրերը, ինչպես նաև որպես Amazon-ի քարոզչական մեքենա ներկայացող The Washington Post-ը, որն անընդհատ վկայակոչում է գոյություն չունեցող, իմ կարծիքով, անանուն աղբյուրների: Նրանք երկուսն էլ 7 տարուց կսնանկանան»- Twitter-ում գրել է նա:

Նախօրեին հայտնի դարձավ, որ Twitter սոցցանցի ղեկավարությունը նախորդ երկու ամիսներին արգելափակել է ավելի քան 70 մլն կեղծ և կասկածելի էջեր: