Ի՞նչ կարողություն ունի Էրդողանը

Թուրքիայում կայացած արտահերթ ընտրություններից հետո թուրքական Resmi gazete պաշտոնաթերթը հրապարակել է Թուրքիայի նախագահ Ռեջեփ Թայիփ Էրդողանի նյութական կարողության մասին տեղեկատվություն:

Ըստ կայքի՝ Էրդողանը թուրքական 3 տարբեր բանկերում ընդհանուր հաշվով ունի 6.347.000 թուրքական լիրա, որը համարժեք է մոտ 1.5 մլն դոլարի։ Էրդողանն իր ծննդավայրում՝ Ռիզեյի Գյունեյսու շրջանի Դումանլը գյուղում, ունի 10.000 լիրա արժողությամբ հողատարածք։ Իսկ Ստամբուլի Ուսքյուդար (Սկյուտար) թաղամասում ունի մոտ 800.000 դոլարանոց տուն։

Էրդողանին պատկանում է Audi A8 մակնիշի 1 ավտոմեքենա։ Այն արժե մոտ 50.000 դոլար։