Թուրքիայում ավարտվել են ընտրությունները

Թուրքիայի ողջ տարածքում փակվել են ընտրական տեղամասերը։ Նշվում է, որ ընտրություններն ավարտվել են 17:00 –ին։ Ընտրություններին կարող էր 56,3 միլիոն ընտրող մասնակցել։

Ընտրաթերթիկներում որպես թեկնածուներ ներկայացված էին ներկայիս գործող նախագահ Թայիպ Էրդողանը, որը ներկայացնում է Արդարություն և զարգացում իշխող կուսակցություը, ընդդիմադիր Ազգային–հանրապետական կուսակցության առաջնորդ Մուհարեմ Ինջեն, Մերալ Աքշեները (Լավ կուսակցությունից), Դոգու Պերինչեկը («Հայրենիք» կուսակցությունից), Թեմել Քարամոլաօղլուն («Երջանկություն» կուսակցությունից), ինչպես նաև Սելահաթին Դեմիրթաշը (Ժողովուրդների դեմոկրատիայի քրդամետ կուսակցությունից)։