Կառավարությունը կա՛մ չի հասկանում, կա՛մ չի ուզում հասկանալ. Գևորգ Պետրոսյան

Վերջին օրերին «Բարեգործության մասին» ՀՀ օրենքում փոփոխություններ կատարելու մասին օրենքի նախագիծը բուռն քննարկումների առարկա է դարձել: Կառավարության նախաձեռնության մասին Operativ.am-ը զրուցել է ԱԺ «Ծառուկյան» դաշինքի պատգամավոր Գևորգ Պետրոսյանի հետ: 

-Պարոն Պետրոսյան, փոխվարչապետ Ավիանյանը եւս, անդրադառնալով Բարեգործության մասին օրենքն, ասաց, որ թույլ չեն տալու որեւէ քաղաքական ուժի բարեգործության անվան տակ ընտրակաշառք բաժանել։ Ավելացնելով նաեւ, որ իրենք տեր են կանգնելու Կարեն Կարապետյանի օրոք ծնված այս նախագծին։

-Գիտեք, ինձ մոտ տպավորոթյուն է, թե մենք տարբեր լեզուներով ենք խոսում եւ այն, ինչ մենք ասում ենք, կառավարությունը կամ չի հասկանում, կամ չի ուզում հասկանալ։ Որեւէ մեկը չի խոսում բարեգործության տակ ընտրակաշառք բաժանելու արտոնություն ստանալու մասին, հատկապես, որ այդ ամենը շատ հստակ կարգավորվում է Ընտրական Օրենսգրքով եւ Բարեգործության մասին մայր օրենքով եւ լրացուցիչ խստացումների կարիք, որ անձամբ վարչապետը պետք է որոշի, թե ո՞վ իրավունք ունի բարեգործություն անելու եւ ո՞րն է բարեգործությունը, որը՝ ոչ, չկա։

Հիմա, եթե առաջնորդվենք պարոն Ավինյանի տրամաբանությամբ, կարող ենք ասել, որ եթե կառավարությունը որոշել է ներել մեր հայրենակիցների վարկերի տույժերն ու տուգանքները, եթե որոշել է նվազեցել էլեկտրաէներգիայի սակագինը, չեղարկել արագաչափերի տույժքերն ու տուգանքները, ապա այս ամենը պետք է դիտարկել ընտրական կաշառք։ Աբսուրդ է չէ՞։ Նույն աբսուրդն էլ իրենք են ասում։ Եթե Ծառուկյանը հայտարարում է, որ աղետի գոտում, տնակում ապրող հղի ցանկացած կնոջ, ովքեր նման անմարդկային պայմաններում երեխաներ են ունենում, այդ երեխաները մեծանում են այդ պայմաններում եւ հայտնի էլ չէ՝ երբեւէ պետությունը կարո՞ղ է այդ մարդկանց բնարականով ապահովել, ու Ծառուկյանը նրանց ապահովում է բնակարանով, հիմա եթե ինչ որ մեկը կասի, որ դա ընտրակաշառք է, ապա ես իրավունք կունենամ ասելու, որ իրոք, այս նախագծի թիրախը կոնկրետ Գագիկ Ծառուկյանն է, որ այս կառավարության փորացավը բացարձակապես այլ է, եւ այն, ինչ ծրագրել էր նախկին վարչպաետ Կարեն Կարապետյանը՝ հիմա շարունակում է այս կառավարությունը։ Մենք պիտի հասկանանք մի պարզ ճշմարտություն՝ պետությունը այսօր չի կարող սոցիալապես անապահով խավերի խնդիրները ամբողջապես լուծել եւ, փոխանակ շնորհակալ լինեն Գագիկ Ծառուկյանից, փորձում են էժանագին քայլեր անել։

Սա, կարծում եմ, ազնիվ չի եւ գործընկերային չի։ Թող պետությունը հայտարարի, որ ինքը լուծում է այդ խավերի խնդիրները եւ մենք մի բան էլ շնորհակալություն կհայտնենք։ Թող հայտարարի, որ եթե Ծառուկյանը տարեկան մի քանի միլիոն դոլարի ներդրում չանի հայկական սպորտում՝ դա կանի պետությունը, որ սպորտային այս մեծ նվաճումները, որ ձեռք են բերվել Ծառուկյանի շնորհիվ, իրենք կարող են ամսական նման կարգի գումարները տրամադրել մեր մարզիկներին, մարզիչներին եւ սպորտայինն ենթակառուցվածքներին, մենք միայն շնորհակալ կլինենեք։ Այլապես, պետք չէ ամեն ինչ հասցնել աբսուրդի։

-Սակայն, նույն կարծիքին է նաեւ ձեր կոալիցիոն մյուս գործըկնկեր դաշնակցությունը։

-Նույնը ես ասում եմ դաշնակցությանը, ում ներքին մոտիվացիաները, լինենք անկեղծ, բոլորիս էլ շատ պարզ ու հասկանալի է: Իսկ եթե ընդհանուր առմամբ ամփոփեմ այս թեման, ապա պետք է ասեմ, որ ՀՀ Սահմանադրության 86-րդ հոդվածն ամրագրում է բարեգործությունը խրախուսելու՝ պետության պարտականությունը... Փաստորեն, Ավինյանն ու նրա կարծիքը կիսողներն անտեսում են երկրի հիմնական օրենքը։