Հայտնի հեղինակություն Ալիկ Բանդուրյանի առողջությանը լուրջ վտանգ է սպառնում

Հայտնի հեղինակություն Ալիկ Բանդուրյանի առողջությանը լուրջ վտանգ է սպառնում / Այսօր Շենգավիթ վարչական շրջանի դատարանում անցկացվեց «ԼԻա»գեղեցկության սրահի սպանության գործով հերթական նիստը,որը վարում էր դատավոր Ն.Բաղդասարյանը:

Նախորդ նիստին,որը տեղի էր ունեցել մայիսի 22-ին,Ալիկ Բանդուրյանի պաշտպան Երեմ Սարգսյանը միջնորդություն էր ներկայացրել անբաստանյալներ Ա.Բանդուրյանի և Ա.Գասպարյանի նկատմամբ"ներքին դիտում" օպերատիվ հետախուզական միջոցառում իրականացնելու թույլատվություն ստանալու վերաբերյալ միջնորդությունների,դրանց կից ներկայացված նյութերի,այդ միջնորդությունները քննարկելու վերաբերյալ դատարանի որոշումների պատճենները:

Երեմ Սարգսյանը միջնորդեց նաև Երևան քաղաքի ընդհանուր իրավասության դատարանից Ա.Գասպարյանի հեռախոսային խոսակցությունները վերահսկելու թույլատվություն ստանալու միջնորդություն,դրան կից ներկայացված նյութերի պատճենները` պահանջելով նաև տրամադրել նշված միջնորդության քննարման համար կայացված դատական նիստերի արձանագրությունները և դրանց լազերային կրիչները:Այսօրվա նիստում դատարանը մերժեց պաշտպան Սարգսյանի կողմից ներկայացված միջնորդությունը:Երեմ Սարգսյանը նաև միջնորդվեց,որ կալանքը որպես խափանման միջոց վերացվի,ընտրվի այլ խափանման միջոց, կամ գոնե գրավ սահմանվի:Առկա էր հետևյալ հիմնավորումը,որ հնարավոր է մեղադրայլը թաքնվի քննությունից,որովհետև ծանր հանցագործության մեջ է մեղադրվում:Պաշտպան Ե.Սարգսյանը ներկայացրեց եվրոպական վճռաբեկ դատարանից աննախադեպ որոշումներ,որտեղ նշված էր,որ պատժի ծանրությունով պայմանավորված հիմնավորումը չի կարող մշտապես կալանքի տակ պահելու ժամկետները երկարացնելու համար հիմնավորում լինել:

Բացի այդ, փաստաթղթեր են ներկայացրել,որ ողնաշարի տուբերկուլյոզով է հիվանդ և համապատասխան բժշկական հաստատությունից `Տուբերկուլյոզի դեմ պայքարի ազգային կենտրոնից տրվել է համապատասխան փաստաթուղթ,որ շատ շտապ հետազոտման,բուժման կարիք,անկողնային ռեժիմի կարիք կա,ինչը քրեակատարողական հիմնարկում ապահովելն անհնար է:

Այս ամենը մատնանշելով,պաշտպան Սարգսյանը միջնորդությունը ներկայացնելու ընթացքում խոսեց նաև գրավ առաջարկի մասին,սակայն դատարանը մերժեց պաշտպանի միջնորդությունը:

Աննա Սահակյան. Ֆեյսբուք