Չեմ հիշում, թե երբ է կնքվել Սևրի պայմանագիրը.Ստեփան Սաֆարյանը պատասխանում է ինտելեկտուալ հարցերի

Operativ.am-ի ինտելեկտուալ հարցերին է պատասխանում «Ժառանգություն» կուսակցության գլխավոր քարտուղար Ստեփան Սաֆարյանը: Նա տվել է 5 ճիշտ պատասխան, իսկ որոշ հարցերի դժվարացավ պատասխանել՝ ասելով, թե չի հիշում:

Ըստ հայկական ավանդության'  ո՞ւմ անունից են առաջացել «Արմեն» և «Արմենիա» անվանումները:

-Եթե չեմ սխալվում հնագույն ցեղերից մեկի ղեկավարի՝ Արմենոսի անունից:

_Ո՞ր հեղինակի գրչին է պատկանում «Խոնարհ աղջիկը», «Ալպիական մանուշակ», «Մթնաձոր» ստեղծագործությունները:

-Բակունցի:

-Ո՞վ է Մարտիրոս Սարյանի արձանի քանդակագործը:
-Հրաշալի արձանն է, բայց չգիտեմ (ճիշտ պատասխանն է Լ. Թոքմաջյան):

-Ե՞րբ է Իսրայել Օրին ժամանել Ռուսաստան՝ Պետրոս I-ին հանդիպելու նպատակով:

-1700-ական թվականներին (ստույգ պատասխանն է 1701թվականին):

Կնշե՞ք, թե որոնք են գոյականական անդամի լրացումները:

-Գիտեմ, բայց չեմ հիշում, կարծեմ որոշիչը և էլ չեմ հիշում (պատասխանը թերի է, գոյականանական անդամի լրացումներն են որոշիչը, բացահայտիչը և հատկացուցիչը):

-Ե՞րբ է Բաքվում տեղի ունեցել հայ բնակչության կոտորածը և տեղահանությունը:

-1990 թ. փետրվարի 27–29–ը:

-Ե՞րբ է կնքվել Սևրի պայմանագիրը:

-Այ չեմ հիշում:

-Ի՞նչ էր իրենից ներկայացնում «Որոգայթ Փառացը»:

-Չեմ հիշում:

-Ե՞րբ է կազմավորվել «Ժառանգություն կուսակցությունը»:

-2003 թվականին:

Զրույցի վերջում Ստեփան Սաֆարյանն  իրեն գնահատեց 3+բալով:

Նազենի Բաղադասարյան