Շիրակի պետհամալսարանի ռեկտորի պարտվողական ստորագրահավաքի հետքերով

ՇՊՀ նախկին դասախոս, քաղաքագետ Գագիկ Համբարյանը իր ֆեյսբուքյան էջում գրել է.

«Շիրակի պետհամալսարանի վատահամբավ ռեկտոր և միևնույն ժամանակ ՀՀԿ Շիրակի մարզային կառույցի ղեկավար Սահակ Մինասյանն իր իշխանությունը պահպանելու համար ընդունակ է ամեն ստոր և նողկալի քայլի: Սույն վաստակաշատ կոռումպացվածը չի վարանում իր անարդար և կեղտոտ խաղերի մեջ օգտագործել նաև այլ մարդկանց՝ տարրական խաբելով վերջիններիս: 

Ընդամենը օրեր առաջ Նիկոլ Փաշինյանի և նրա ընկերների ձերբակալումը մեծ ցնծությամբ նշած ՇՊՀ ռեկտորը` Փաշինյանի վարչապետ նշանակվելուց րոպեներ անց բաց նամակով հանդես եկավ՝ իբրև թե 164 ստորագրություն դրած մարդկանց անունից,որոնք «խորհուրդ են տալիս ՀՀ վարչապետին տուրք չտալ ամբոխավարությանը և հարցերը լուծել իրավական դաշտում»:

Տիպիկ ՀՀԿ-ականին բնորոշ կոչ: Հիշեցնեմ,որ Սահակ Մինասյանի քաղաքական հայր Սերժ Ազատին Նիկոլ Փաշինյանի շարժումը ևս բնութագրում էր ամբոխավարություն,իսկ Նիկոլին էլ իր տեղը ցույց տալու համար հայտարարում էր,որ վերջինս ընդամենը 7 տոկոս մարդկանց կարծիքն է արտահայտում:

Հանրաճանաչ ստախոս Սահակ Մինասյանը վերջերս փորձում է իր կողմից Շիրակի պետհամալսրանում գործած հանցագործությունների,անօրինականությունների և ապօրինությունների մասին մեր կողմից բարձրաձայնեցնելը ներկայացնել որպես անձնական խնդիր: Կրկին ստիպված եմ ասել,որ մեր բարձրաձայնած խնդիրներն իրենց ԱՊԱՑՈՒՅՑԸ գտել են ԿԳ նախարարության եզրակացության մեջ,որը կազմվել է ԿԳՆ-ի համապապատասխան հանձնախմբի այցից հետո բուհ 2017 թ-ի հոկտեմբերի 2-4-ը: Սահակ Մինասյանն ինչ-որ 10 ստուգումների արդյունքների մասին է բարձրաձայնում, որոնք, իբր, հաստատում են, որ ՇՊՀ-ում ամեն ինչ լավ է: Սուտ է և ապատեղեկատվություն է Մինասյանի այդ հայտարարությունը:

ԿԳՆ-ն նրա հանցանքները և անօրինականությունները ապացուցված է համարում:
Տխրահռչակ ՀՀԿ-ականն այս ստորագրահավաքով ևս մեկ անգամ ապացուցեց,որ ստախոս է; Երբ ես իմ սոցցանցերի էջերում արձանագրեցի և հրապարակեցի սույն նամակի բովանդակությունը,ՇՊՀ ռեկտորը բազմաթիվ լրագրողներին հայտարարեց,որ որևէ ստորագրահավաք չկա բուհում,իսկ ժամեր անց այն հրապարակվեց: Վախկոտ խորհրդային մանր չինովնիկի հոգեբանություն ունեցող սույն կոռումպացված ՀԱԿԱԳԻՏԱԿՆ մարդը չի վարանում նաև այլ կեղծիքներից: Նախ,շատ լավ կլիներ,որ պարոն ՀՀԿ-ական ռեկտորը բացահայտեր,թե բուհը քանի աշխատող ունի և որքան է կազմում իր նշած "164" աշխատողների տոկոսը: Հավելեմ,որ ՇՊՀ-ում աշխատում է մոտ 500 մարդ և նրանցից իբրև թե "164"-ն է ստորագրել: Այսինքն` բուհի աշխատակիցների 70 տոկոսից ավելին ԴԵՄ են եղել և չեն ստորագրել այս «նամակը»: Հավելեմ,որ այս 164 թիվն էլ կեղծ.Սահակ Մինասյանի ֆան-ակումբի որոշ ներկայացուցիչներ իրենց կուռքին լավություն անելու համար մի քանի տեղ են ստորագրել: Երևի հիշել են,թե ինչպես 2017 թ-ն ԱԺ ընտրությունների ժամանակ մի քանի տեղամաս էին այցելում ռեկտորի յուրայինները և ընտրում Մինասյանի հարազատ ՀՀԿ-ի թեկնածու Արման Սահակյանին: Օրինակ՝ Խաչատրյան Թերեզան 3 տեղ է ստորագրություն դրել, Պետրոսյան Կարինեն՝ 2, Սարգսյան Արմենուհին՝ 2 և այլն: Պետք է նշեմ,որ ստորագրահավաքը կազմակերպողների մեջ ակտիվ դերակատարություն ունեն ՀՀԿ-ականները,որոնք միշտ հովանավորվել են Սահակ Մինասյանի կողմից և բուհի կանոնադրությունը կոպտորեն խախտելով նշանակվել և ընտրվել են պաշտոնների,ինչպես նաև ակտիվ մասկակցել են անցյալ տարվա ԱԺ կեղծված ընտրություններին՝ցուցակներ կազմելով և գումարներ բաժանելով:

Սահակապաշտպան ստորագրահավաքը կազմակերպվել է տարբեր մեթոդներով՝ խնդրանքերով, պարտադրանքով, ահաբեկելով և շանտաժի եղանակով: Օրինակ՝ամբիոնների որոշ վարիչների դեմ կիրառվել են նրանց շինծու «կաշառակեր» անցյալի մասին կոմպրոմատները,որոնցից մեկը, «գործի վրա» բռնվելով, ռեկտորի կաբինետում միզել է տակը: Ստորագրողների մեջ են նաև Սահակ Մինասյանի հանցակիցները,ովքեր պատասխան են տալու ՇՊՀ-ն թալանելու և գրադարանի ոչնչացման,կեղծ լիցենզիաներով ծառայություններ մատուցելու համար: Ռեկտորի հետ հավասար պատասխան են տալու գլխավոր հաշվապահն ու ֆինանսիստը, արհկոմի նախագահը և այլք:

7 ամիս տևող պայքարը ՀՀԿ-ական ռեկտորի հանցագործությունների դեմ մեր անձնական շահերի համար չէ և Սահակ Մինասյանի անձի դեմ չէ,այլ ռեկտորի՝պաշտոնյաի: Մենք պայքարում ենք ՇՊՀ-ում արդարության,օրինականության և նորմալ ուսումնական գործընթացը վերականգնելու համար: Երբեք ԱՆՁՆԱԿԱՆ խնդիրներ չենք ունեցել Սահակ Մինասյանի հետ,ով իր գործած հանցագործությունների,անօրինականությունների դեմ մեր պայքարը փորձում է տեղափոխել անձնական դաշտ՝ ինդուլգենցիա ձեռք բերելու համար: Այս մեթոդով և համապատասխան պաշտոնյաներին կաշառելով մինչև հիմա ռեկտոր Մինասյանը գրեթե միշտ «ջրից չոր է դուրս եկել»:Հիմա չի ստացվի:
Միևնույն ժամանակ պահանջում ենք,որ Շիրակի մարզի դատախազությունը վերջապես բացահայտի,թե 7 ամսվա ուսումնասիրությունների արդյունքում ինչ է պարզել մեր բարձրաձայնած խնդիրների վերաբերյալ:

Հ.Գ.Այս ստորագրահավաքը Սահակ Մինասյանի հերթական պարտությունն էր: