Մանկահասակ երեխաներին փողոց դուրս բերելը վտանգում է նրանց կյանքը, ոչ թե ստեղծում լավ ապագա. քաղաքացիները ահազանգում են
Վերջին օրերին Operativ.am-ի խմբագրություն են զանգահարում մեծ թվով քաղաքացիներ, ովքեր իրենց բողոքն են արտահայտում մայրաքաղաքում տիրող իրավիճակի վերաբերյալ:
Քաղաքացիների մի ստվար զանգված հատկապես դժգոհ է ցույցերն մանկահասակ երեխաների մասնակցության փաստից: Մասնավորապես, նրանք դժգոհում են, թե ինչու Նիկոլ Փաշինյանը ծնողներին կոչ չի անում, որ մանկասայլակներով չգան և չմասնակցեն երթին, քանի որ նման աղմուկից ու բարձր երաժշտություն զատ վտանգավոր են նաև ձայնային նռնակները, որոնք մի քանի անգամ արդեն իսկ կիրառվել են: Ավելին, նա կոչ է անում բոլորին դուրս գալ և մասնակցել ցույցերին, մատնացույց անելով ապագայի տեսլականը և «ինչ անում ենք, երեխաների համար ենք անում» ոսկրացած կարծիքի անուղղակի կերպով մատուցումը:
Ընթերցողներից մեկը նաև մատնացույց էր անում ֆեյսբուքյան «մայրիկների ակումբ» խմբի կողմից կազմակերպված մանկասայլակներով երթը և համոզմունք հայտնում, որ դա համաձայնեցված է եղել Փաշինյանի հետ, քանի որ, ըստ նրա, հակառակ պարագայում, Փաշինյանը անպայման կանդրադառնար և կհորդորեր զերծ մնալ երեխաներին փողոց դուրս բերելու ռիսկային քայլից: Նա նաև նշում էր, որ երեկ վթարի հետևանքով մահացած 1 տարեկան երեխայի մահվան մեջ Փաշինյանի մեղքի բաժինն էլ կա, քանի որ նա էր, որ հորդորում էր երթևեկությունը քաոսի վերածել, իսկ մեքենան, որում եղել է երեխան պետհամարանիշներ չի ունեցել, այսինքն մասնակցել է անհնազանդության գործողություններին:
Operativ.am-ի խմբագրությունը ևս ծնողներին հորդորում է զերծ մնալ մանկահասակ երեխաների կյանքը քաղաքացիական անհնազանդության ֆոնին վտանգելու քայլերից: