Հայազգի գործարարները կոչ են անում չդառնալ գործիք օտար թշնամական հոսանքների համար

Արտերկրում բնակվող մի խումբ հայազգի գործարարներ հայտարարություն են արել հայաստանյան իրադարձությունների վերաբերյալ՝ կոչ անելով չանտեսել վերջին երեսուն տարիների ընթացքում արյան և չարչարանքի գնով հայկական պետականության ձեռքբերածը և, ակամա, չդառնալ գործիք օտար թշնամական կամ ներքին պառա­կտիչ հոսանք­ների համար: Հայտարարության մեջ ասված է.

«Հողերը մե՛րն են, մե՛րը

Վաղն ապրիլի 24-ն է, և հարյուր հազարավոր հայեր իրենց հարգանքի տուրքն են մատուցելու ազգային սրբավայր Ծիծեռնակաբերդում: Ոչ ոք իրավունք չունի մեր սրբադաս նահատակների հիշատակման արարողութ­յունը շեղել այլ ուղղությամբ:

Հիշենք` «Հողերը մե՛րն են, մե՛րը» ազնիվ կոչն էր, որ 1965 թվականի ապրիլի 24-ին Երևանում համախմբեց հարյուր հազարավոր հայորդի­ների, ովքեր վերստին ապացուցեցին իրենց` ազգային ինքնութ­յան ու հիշողու­թյան իրավունքը: Հետևենք նրանց օրինակին, ինքներս մեզ հարվածելու փոխարեն` մեր միասնական պահանջն ուղղենք ԱՄՆ-ին, Եվրոպական Միությանն ու Ռուսաստանի Դաշնութ­յանը` վերահաս­տա­տելու հայ ազգի պահանջատիրությունը մեր Մեծ Հայրենիքի նկատմամբ:

Կոչ ենք անում չանտեսել վերջին երեսուն տարիների ընթացքում արյան և չարչարանքի գնով հայկական պետականության ձեռքբերածը և, ակամա, չդառնալ գործիք օտար թշնամական կամ ներքին պառա­կտիչ հոսանք­ների համար: Իսկ, տարիների ընթացքում կուտակ­ված ազգային եռանդը, հորդորում ենք ուղղել կառուցողական համատեղ աշխատանքի և հավակ­նոտ ազգային ծրագրերի իրականացմանը: