Աղջիկ լինելու համար ես շատ բարի եմ… . Արսեն Սաֆարյան

Operativ.am-ի բլից հարցերին պատասխանում է հայտնի և սիրված երգիչ Արսեն Սաֆարյանը:

36-ամյա երգիչը մասնակցել է բազում մրցույթների, արժանացել մրցանակների՝ «Ոսկե քնար», «Տարվա հիթ» (2004թ.), «Հատուկ մրցանակ» և այլն: Նշենք, որ 2003 թվականին  նա ճանաչվել է «Տարվա լավագույն երգիչ»…

-Երեք բառով ինչպե՞ս կբնութագրեք Ձեզ:

-Դա անհամեստություն կլինի…

-Սովորաբար ինչի՞ մասին եք մտածում քնելուց առաջ:

-Լավ քնելու:

-Հաճա՞խ եք աղոթում:

-…Ոչ, ցավոք:

-Կա՞ որևէ կարգախոս, որով առաջնորդվում եք:

-Ամեն ինչ լավ կլինի:

-Եթե կախարդական փայտիկ ունենայիք, ի՞նչ կցանկանայիք:

-Մարդ կոչվելու համար դիպլոմ տրվեր:

-Երբևէ արե՞լ եք որևէ քայլ, որի համար զղջում եք:

-Իհարկե, ես էլ ունեմ մեղք գործելու իրավունք:

-Կցանկանայի՞ք աղջիկ ծնվել :

-Աղջիկ լինելու համար ես շատ բարի եմ…

-Չսիրած արտահայտություն, որ հաճախ եք լսում մարդկանցից…

-Հարց չկա և դու պրոբլեմ չունես…բայց միշտ պարզվում է, որ հարց էլ կա, պրոբլեմ էլ:

-Ինչպիսի՞ հանգիստ եք նախընտրում:

-Հանգի՜ստ հանգիստ:

-Տարվա եղանակներից ո՞րն եք ամենից շատ սիրում:

-Ուրախ եղանակը:

-Հայտնի խոսքն ասում է. «Աշխարհում չկա ավելի քաղցր երաժշտություն, քան սիրելիի ձայնը»… : Իսկ Դուք ի՞նչ կասեք:

-Աշխարհում չկա ավելի քաղցր ոչինչ, քան սիրելիի ամեն ինչը…

-Հաճա՞խ եք խորհում ապագայի մասին:

-Ոչ, գերադասում եմ ապրել երջանիկ ներկայով:

Զրուցեց  Նազենի Բաղդասարյանը