Ինձ հայուհու տեսք հաղորդիր, ուզում եմ էթնիկ տեսք ունենալ. Քիմ Քարդաշյանն իր դիմահարդարին (լուսանկարներ)
Քիմ Քարդաշյանի անձնական դիմահարդար և ընկեր Մարիո Դեդիվանովիչը նոր մանրամասներ է հայտնել հայուհու հետ համատեղ կոսմետիկ շարքի ստեղծման մասին: Հայտնի դիմահարդարն օրերս հարցազրույց է տվել Hollywood Reporter-ին և պատմել, թե ինչ նախասիրություններ ունի Քիմ Քարդաշյանը դիմահարդարման մեջ.
«Չնայած նրան, որ Քիմը մինչ այդ ուներ իր կոսմետիկ շարքը, նա որոշեց, որ մենք երկուսով պետք է թողարկենք առանձին հավաքածու: Եվ ես սկսեցի ուսումնասիրել Քիմի ամենասիրված լուքերը, ընտրել երանգները, նա վստահում էր ինձ և հաստատեց այն ամենն, ինչ ես ընտրեցի: Ստվերաներկերի անունները մեծ նշանակություն ունեն թե իմ, թե Քիմի համար: Օրինակ՝ «Հայկականը» (դեղնա-ոսկեգույնը, որը ես ընտրեցի, որովհետև դեղինը Հայաստանի դրոշի գույներից է), քանի որ Քիմը հայուհի է և նա շատ է ցանկանում հայուհու տեսք ունենալ: Նա ինձ հաճախ է ասում՝ «Ինձ հայուհու տեսք հաղորդիր, ուզում եմ էթնիկ տեսք ունենալ»: Իսկ «Ալբանական» անվանվել է ստվերաներկերից կարմիրին ամենամոտ երանգը, քանի որ դա էլ Ալբանիայի դրոշի գույնն է»,- ասել է Մարիոն: