Ովքե՞ր ներկա կլինեն. հրապարակվել է արքայազն Հարիի և Մեգան Մարքլի հարսանիքի հյուրերի ցանկը
Մեծ Բրիտանիայի արքայազն Հարիի և Մեգան Մարքլի հարսանիքին շուրջ 600 հյուր ներկա կգտնվի, որոնց արդեն հրավիրատոմսեր են ուղարկվել: Այս մասին գրում է Lenta.ru-ն:
Փեսացուի կողմից հարսանիքին ներկա կլինեն ԱՄՆ նախկին նախագահ Բարաք Օբաման, որի հետ արքայազնը ընկերական հարաբերություններ է պահպանում, նրա կինը՝ Միշել Օբաման, ինչպես նաև կանադացի վարչապետ Ջասթին Թրյուդոն, Շվեդիայի գահաժառանգ արքայադուստր Վիկտորիան և Իսպանիայի թագավորական ընտանիքը:
Հունվարին հաղորդվում էր, որ Օբաման կարող է չհրավիրվել տոնական հանդիսությանը, քանի որ անգլիական թագավորական ընտանիքում մտավախություն ունեն, որ դա կարող է դիտվել որպես մարտահրավեր ներկայիս նախագահ Դոնալդ Թրամփի դեմ:
Քաղաքական գործիչներից բացի արքայազն Հարին հրավիրել է իր նախկին ընկերուհիներին, Դևիդ և Վիկտորիա Բեքհեմներին, դերասանուհի Մարգո Ռոբբիին:
Հանդիսության ժամանակ, ամենայն հավանականությամբ, ելույթ կունենան Էլթոն Ջոնը, Էդ Շիրանը, Էլլի Գոլդինգը և Քրիս Մարտինը:
Հարսնացուի կողմից հրավիրվել են Մարքլի լավագույն ընկերուհի, հնդիկ դերասանուհի Պրիյանկա Չոպրան, սերիալում նրա գործընկերներ Պատրիկ Ջեյ Ադամսը և Էբիգեյլ Սփենսերը, Օլիվիա Պալերմոն, թենիսիստուհի Սերենա Ուիլյամսը և ոճաբան Ջեսիկա Մալրունին:
Հիշեցնենք, որ նրանց հարսանիքը կայանալու է մայիսի 19-ին Վինդզորյան ամրոցի Սուրբ Ջորջ մատուռում: