20-րդ դարի ամենահայտնի սիրեկանները. Ֆրենկ Սինատրա (Սուլթան-ուշաթափություն)

Սինատրայի ժամանակակից հոլլիվուդյան և ոչ մի գեղեցկուհի չի կարողացել դիմանալ նրա կապույտ աչքերի և աստվածային բարիտոնին։ 20-ականների գանգսթերի կերպարը և անձնական հարաբերությունները մաֆիայի կնքահայր Ալ Կապոնեի հետ տալիս էին Սինատրային վտանգի շղարշ, որը հալեցնում էր կանացի սրտերի սառույցը՝ լիներ դա հյուրանոցի հավաքարար, թե հոլիվուդյան գերաստղ։

Մի անգամ ֆիլմի նկարահանումների ժամանակ Սինատրան զուտ սպորտային հետաքրքրության համար իր դիմահարդարման սենյակում կախել էր ժամանակկի ամենաթեժ աստղերի ցուցակը, որը բաղկացած էր 20 անուններից և ամեն «հաղթանակից» հետո ջնջում էր մեկ անում։ Ականատեսների վկայությամբ նկարահանումների վերջում ցուցակում չջնջված անուն չէր մնացել։
Սինատրայի սիրուհիները բազմաթիվ էին։ Ասում են, որ նրանց թվում են եղել Ժակլին Քեննեդին և Ռոնալդ Ռեյգանի կինը, իսկ Խռուշչովի ամերիկյան այցի ժամանակ Սինատրան անընդհատ պտտվում էր Խռուշչովի տիկնոջ շուրջը. հասկանալի է, որ ոչ թե այն պատճառով, որ հիացած էր նրա բարեմասնություններով... պարզապես քչերը կարողղ են պարծենալ, որ պոզեր են աճեցրել ԽՍՀՄ առաջնորդի գլխիին։ Բարեբախտաբար Խրուշչովի այցը այդքան երկար չտևեց։

Սինատրայի գայթակղության գաղտնիքները

Սինատրայի գլխավոր խաղաթղթերը նրա ձայնն ու ժպիտն էին։ Երբ նա երգում էր, սրահում բոլոր կանանց թվում էր, թե նա հենց իրենց համար է կատարում երգը։ Բավական էր որ սինատրան աչքով աներ ինչ որ մի աղջկա և նա կորցնում էր գիտակցությունը, ինչի համար էլ սինատրան վաստակել էր իր Սուլթան-ուշաթափություն մականունը։ Սինատրայի նախկին կանանցից Ավա Գարդներին մի անգամ հարցրել էին, թե ի՞նչ էր նա գտել այդ մարդու մեջ, ինչին նա պատասխանել էր. «Ի՞նչ եմ ես գտել 55 կիլոգրամանոց տղամարդու մեջ. 5 կիլոգրամ ձայն և 50 կիլոգրամ սեքս»։