ԱՄՆ-ում մոլեգնող «Ռայլի» փոթորկի պատճառով զոհեր կան (տեսանյութ, լուսանկարներ)

Միացյալ Նահանգներում օրեր շարունակ մոլեգնում է «Ռայլի» փոթորիկը, որի պատճառով 8 մարդ է զոհվել, այդ թվում և երեխաներ: Համացանցում են հրապարակվել տարբեր շրջաններում տիրող իրավիճակը պատկերող տեսանյութերը: Այս մասին հայտնում է Корреспондент-ը:

Փոթորիկն սկսվել է մարտի 2-ին: Քամու արագությունը հասնում է 72, երբեմն էլ 97 կմ/ժամ արագության: Դադարեցվել է հյուսիս-արևելյան շրջանների օդանավակայանների աշխատանքը, ինչպես նաև երկաթուղային գծի երթևեկությունը Նյու Յորքի և Բոստոնի միջև:

Ամերիկյան լրատվամիջոցների տվյալներով՝ Հյուսիսային Կարոլինա նահանգի բնակավայրերից մինչև Մեն նահանգ մեծ թվով ծառեր են տապալվել և վնասվել են էլեկտրաէներգիայի փոխանցման լարերը:

Փոթորիկի հետևանքով առանց էլեկտրականության է մնացել ավելի քան 2.1 մլն տուն և ձեռնարկություն: