Ուիթնի Հյուսթոնի նախկին ամուսինը բացահայտել է կնոջ մահվան պատճառը (լուսանկարներ)
Բոլորի կողմից շատ սիրված և մեծ ճանաչում ձեռք բերած 48-ամյա Ուիթնի Հյուսթոնը մահացել է 2012թ. փետրվարի 11-ին Beverly Hilton հյուրանոցում: Երգչուհուն գտել են մահացած իր իսկ լոգարանում, թմրանյութի մեծ չափաբաժնի ազդեցության տակ:
Հայտնի է, որ կյանքի վերջին տարիներին Ուիթնին դիմել է բժիշկների օգնությանը թմրանյութի կախվածությունից ազատվելու համար: 2010թ. երգչուհին չեղյալ հայտարարեց համաշխարհային մենահամերգը վատ ինքնազգողության պատճառով:
Առաջին անգամ նրա մահից հետո խոսել է նախկին ամուսինը՝ Բոբի Բրաունը: Rolling Stone-ի հետ հարցազրույցում վերջինս հայտարարեց, որ Ուիթնին թմրանյութերից չի մահացել:
«Նա շատ էր պայքարում առողջության համար և ցանկանում էր լինել գիտակից վիճակում: Նա հիասքանչ կին էր և ցանկանում էր բուժվել: Այո, նա օգտագործում էր թմրանյութ, բայց կյանքի վերջին օրերին նա չի օգտագործել: Ուիթնին չափից շատ էր աշխատում իր վրա: Ես կարծում եմ, որ նրա մահվան պատճառ է դարձել այն, որ նա հոգեպես ճնշված է եղել: Նրա սիրտն այդ ժամանակ կոտրված էր»:
Ուիթնին և Բոբին բաժանվել են 2007թ.-ին՝ 15 տարվա ամուսնությունից հետո: Երգչուհին անընդհատ վատ իրավիճակների մեջ էր ընկնում ամուսնու պահվածքի պատճառով: 2003թ.-ին Բրաունը մեղադրվում էր բռնության մեջ, և նրան ձերբակալել են հարձակման համար:
2015թ.-ի վերջին մահացել է նրա աղջիկը: 22-ամյա աղջկան անգիտակից վիճակում գտել են լոգարանում: Բոբի Քրիստինան 6 ամիս անցկացրել է կոմայի մեջ, որից հետո անջատել են նրա սարքավորումները: Դատաբժիշկները հայտարարեցին, որ նա մահացել է թմրանյութի և ալկոհոլի չարաշահումից: