Ադրբեջանցիների «ուկրաինական» խայտառակությունները
Պաշտոնական Բաքուն շարունակում է մեծ ջանքեր գործադրել «Խոջալու-շոու»-ն գովազդելու նպատակով: Իլհամ բաբան ահռելի գումարներ է ծախսում այս կամ այն երկրներում ազերիական տեսակետն առաջ տանելու համար՝ գնելով համապատասխան երկրների ԶԼՄ-ների ներկայացուցիչներին:
Բաքվում մեծ սկանդալ է հասունանում Ուկրաինայում Ադրբեջանի դեսպան Ազեր Խուդիևի շուրջ,ով այսպես կոչված Խոջալուի ցեղասպանությունը գովազդելու համար հրավիրվել էր ուկրաինական Radio Hayat-ի «Հատուկ հյուր» հաղորդաշարին:
Սակայն,ինչպես պարզվում է,պարոն դեսպանը չի ժամանել և իր փոխարեն Radio Hayat է ուղարկել Կիևում Ադրբեջանի դեսպանատան առաջին քարտուղար Սուբխան Հուսեյնլիին:
Ալիևյան haqqin.az-ի տեղեկություններով դիվանագետ Սուբխանը տարրականորեն խայտառակվել է՝օգտագործելով շաբլոն արտահայտություններ և ասելով անիմաստ խոսքեր: Այո՛,այդպես են Սուբխանի ելույթը բնութագրել ադրբեջանցիները:
Հավելեմ,որ Սուբխանը այդ ամենում մեղավոր չէ: Մեղավորն Ալիևների վարչակարգն է,որ հայերից հետ չմնալու համար հնարել է Խոջալուի ցեղասպանությունը և պարտադրում է իր մանկլավիկներին առաջ տանել այդ թեզը՝օգտագործելով շաբլոնային արտահայտություններ,քանի որ իրական դեպքերը նկարագրելու համար այդ շաբլոնային արտահայտություններն օգտագործելու կարիքը չկա:
Բաքվում նաև նեղված են այն հանգամանքից,որ ահռելի գումարներ են ծախսում Խոջալուի շինծու ցեղասպանությունը գովազդելու համար,իսկ որոշ ադրբեջանցիներ այդ ջանքերը «ջուրն են լցնում»:
Համոզված եմ, որ Ազեր Խուդիևը ուկրաինական ռադիոկայանի «Խոջալու-շոու»-ն անտեսելու համար կպատժվի:
Հ.Գ.Կիևում Ադրբեջանի դեսպանատան առաջին քարտուղար Սուբխան Հուսեյնլիի անտեղյակությունից շվարած են եղել նաև Radio Hayat-ի լրագրողները,ովքեր ավելի մեծ ջանքեր են գործադրել Խոջալուի շինծու ցեղասպանությունը գովազդելու համար,քան պաշտոնական Բաքվի ներկայացուցիչը:
Գագիկ Համբարյան. Ֆեյսբուք