Ռուսաստանը սկսել է արտաքսել երկրի քրեական հեղինակություններին. երկրում 30 հայ «օրենքով գող» կա

«Քրեական հեղինակություններից» յուրաքանչյուրի արտաքսման մասին որոշումը ընդունել է ՌԴ ներքին գործերի նախարար Վլադիմիր Կոլոկոլցեվը: Ինչպես փոխանցում է Комсомольская Правда-ն՝  հիմա երկրիում պատրաստում են Վրաստան արտաքսել 51-ամյա Ասլան Կոբուլաձեին և Սուլիկո Շիրակաձեին‚ իսկ Ղրղզստան կուղարկվի 43-ամյա Կամբիչեկ Կոլբաևը:

Մինչ այդ Ռուսաստանից Վրաստան է արտացսվել Բաչուկա Պաչուլիան (Պոնտիյսկիյ)‚ իսկ Ադրբեջան՝ Դադաշ Բակինսկին:

Ֆորմալ առումով արտաքսումն իրականացվում է Քրեական օրենսգրքի հիման վրա: Հաճախ «օրենքով գողերին» ձերբակալում են թմրանյութերի պահման և վաճառքի, խարդախության համար: Նրանք բանտում անցկացնում են իրենց ժամկետը, ինչից հետո նրանց հանձնում են Ռուսաստանից հարկադիր արտաքսման որոշումը, որն ավտոմատ կերպով փակում է նրանց հետդարձի ճանապարհը:

Հարյուրավոր «օրենքով գողեր» հեռացել են Ռուսաստան Վրաստանից՝ 2004թ.-ին: Սաակաշվիլիի կառավարման ընթացքում նրանց 10 տարով ազատազրկում էին՝ քրեական կաստային պատկանելու համար «գողական գաղափարախոսության» ջատագով լինելու համար:Այդ ժամանակ էլ ՌԴ-ում սկսվեցին մասսայական քրեական հետապնդումները «օրենքով գողերի» նկատմամբ:

Սկսած 20-րդ դարից Ռուսաստանի և հետխորհրդային երկրիների տարածքում մոտ 5 հազար «օրենքով գող» կար: Նրանցից շատերը մահացել են արտասահմանում, մյուսները՝ բանտերում:

Ըստ Комсомольская Правда-ի աղբյուրի‚ հիմա ակտիվ են 432 «օրենքով գողեր»:Նրանցից 318-ը գտնվում է ազատության մեջ, 114-ը՝ բանտում, 31-ը՝ քննության փուլում, 19-ը՝ հետախուզման մեջ:

«Քրեական հեղինակությունների» թվում ամենից շատ Վրաստանի քաղաքացիներն են (242), ռուսներ (51), հայեր (30), եզդիներ (26), ադրբեջանցիներ (16), աբխազներ (10), չեչեններ (8), հրեաներ (7):