Ջենիֆեր Էնիսթոնն ու Ջասթին Տերուն բաժանվել են. Բրեդ Փիթի հետ կվերամիավորվի՞ (լուսանկարներ, տեսանյութ)
Հոլիվուդյան դերասանուհի Ջենիֆեր Էնիսթոնն ու դերասան Ջասթին Տերուն բաժանվել են 2.5 տարի տևած ամուսնությունից հետո: Այս մասին գրում է Spletnik.ru-ն` հղում տալով The Daily Mail-ին:
Նշվում է, որ բաժանվելու վերաբերյալ որոշումը եղել է փոխադարձ ու կայացվել է տարեվերջին:
Քառասունիննամյա Էնիսթոնն ու 46-ամյա Տերուն նշանադրվել էին 2012թ. և 3 տարի անց գաղտնի պսակադրվել Լոս Անջելեսի իրենց տանը:
Անձնական գործակալը նշել է, որ նախկին ամուսինները շարունակում են միմյանց մեծ սիրով ու հարգանքով վերաբերվել:
Հայտնի է, որ Էնիսթոնին ու Տերուին վերջին անգամ միասին են տեսել Նոր տարուն՝ մեքսիկական հանգստավայրերից մեկում:
Աղբյուրը հավելում է, որ Էնիսթոնն արդեն վաճառքի է հանել Լոս Անջելեսի Բել Էյր թաղամասում գտնվող համատեղ առանձնատունը:
Հատկանշական է, որ վերջերս տված հարցազրույցներից մեկում, Էնիսթոնը պատմել էր, որ իրեն անչափ երջանիկ է զգում ամուսնու հետ այս տանը:
Նշվում է, որ բաժանության լուրի ֆոնին Էնիսթոնի երկրպագուներն ակտիվորեն քննարկում են աստղային շիկահերի ու նախկին ամուսնու՝ դերասան Բրեդ Փիթի երջանիկ վերամիավորման հավանականությունը: