Ումա Թուրմանը պատմել է 16 տարեկանում իրեն բռնաբարելու դեպքի մանրամասները
Հոլիվուդյան դերասանուհի Ումա Թուրմանը պատմել է 16 տարեկանում տեղի ունեցած բռնաբարության մասին: Այս մասին գրում է Lenta.ru-ն:
Դերասանուհին խոսելով մանրամասների մասին նշել է, որ այդ ժամանակ նա ապրում էր Նյու Յորքում ու նոր էր սկսել իր կարիերան:
The New York Times-ի փոխանցմամբ՝ դեռահաս Թուրմանն ակումբում ծանոթացել է իրենից մոտ 20 տարով մեծ դերասանի հետ, որի հետ գիշերը լքել է ակումբն ու նրա տուն գնացել: Ավելի ուշ դերասանը նրան բռնաբարել է:
«Ես փորձում էի «ոչ» ասել, լացում էի, հնարավոր ամեն բան անում էի, բայց նա ինձ ասաց, որ դուռը փակ է, և ես չեմ կարող փախչել: Երբ տուն եկա, կանգնեցի հայելու առաջ ու նայեցի ձեռքերիս: Այնքան կատաղած էի, որ դրանք արյունոտ չէին»,-վերհիշել է դերասանուհին:
Թուրմանը նաև խոսել է պրոդյուսեր Հարվի Վայնշտեյնի անվան շուրջ ծագած սեքս սկանդալի մասին, նշելով, որ Վայնշտեյնը 1990-ական թվականների կեսերին Լոնդոնի Savoy հյուրանոցի համարներից մեկում իր նկատմամբ սեռական ոտնձգություն է կատարել, սակայն բռնաբարության դեպք տեղի չի ունեցել: