ՌԴ-ում հրդեհի հետևանքով տուժել է բազմանդամ հայ ընտանիքը

ՌԴ Ենդովիշչե գյուղում հայ բազմանդամ ընտանիքը տուժել է հրդեհի հետևանքով: Երեխաները տասը, երեք տարեկան 8 ամսական և երեք տարեկան են: Հրդեհը վնասել է տան շինությունը ներսից, կից կառուցված փայտե շինությունը ևս ամբողջովին այրվել է  Այս մասին РИА «Воронеж»-ին հայտնել է Սեմիլուկսկի շրջանի վերահսկիչ վարչության գլխավոր մասնագետ Նիկոլայ Սավրասովը:

Հրդեհը սկսվել է առավոտյան 10:00-ին:

«Հրդեհը նկատել է տանտերը: Տեղի է ունեցել էլեկտրական լարի կարճ միացում»,- նշել է Նիկոլայ Սավրասովը:

Արտակարգ պատահարի դեպքի վայրում աշխատել է մարտական երկու հաշվարկ:

«Հայ ընտանիքը գյուղում հաստատվել է 2016 թվականին: Աշխատում է միայն ընտանիքի գլուխը: Նրա կինը դեկրետային արձակուրդում է: Տեղի բնակիչներն արձագանքել են աղետին և օգնության հասել»,- հավելել է նա:

Նրանք ժամանակավորապես տեղափոխվել են հարազատների տուն: