на Русском
Պրեմիերա․ «Երազանք»՝ «Արցախի ձայներ»
Մեր չքնաղ հայրենիքը տարվա տարբեր եղանակներին.... 
Պռոշյանի գյուղապետի թեկնածու Ցոլակ Գրիգորյանի մեկնաբանություններն ինքնաբացարկի վերաբերյալ
Operativ.am-ի թղթակիցը զրուցել է Պռոշյանի գյուղապետի ընտրություններին թեկնածու Ցոլակ Գրիգորյանի հետ, ով ինքնաբացարկի դիմում է ներկայացրել.
-Պարոն Գրիգորյան ինչո՞վ է պայմանավորված Պռոշյանում ներկա պահին պայթյունավտանգ իրավիճակը:
-Ընտրապայքարը ոչ քաղաքական է, գաղափարների և ծրագրերի պայքար չկա, այլ միայն «ընտրաորս»:
-Արդյո՞ք թեկնածություն դնելուց առաջ նման իրավիճակ չկար:
-Այս իրավիճակը արդեն մի քանի ընտրություններում շարունակվում է, իսկ սրա պատճառը բնականաբար նեղ անձնային հարաբերություններից է առաջացել: Չի լինում այնպես, որ խնդիրն առաջացնողը ինքն էլ այն լուծի. առավել ևս, որ կա անզիջում պայքար:
Հույս ունեի` այս անգամ ողջախոհ կգտնվեն կամ չեն առաջադրվի, կամ էլ առաջադրվելուց հետո քաղաքական և ընդունելի պայքար կլինի:
-Արդյո՞ք չեն եղել ճնշումներ, որի պատճառով ներկայացրել եք ինքնաբացարկ:
Ինձ ճնշելով ստիպել ինչ որ բան զիջել հնարավոր չէ, դա հասկանում են բոլորը, ինքանբացարկի դիմում ներկայացնելուց հետո են հարազատներս տեղեկացել. սա միայն իմ որոշումն է եղել: Ինքնաբացարկ ներկայացնելուս միակ պատճառն այն էր, որ պայքարին այլ ուղղություն տրվեց, որն ինձ համար անընդունելի էր: Դրանից հետո անկախ նրանից, թե ով կլինի համայնքի ղեկավարը` ստիպված է լինելու որոշակի հարցերի պատասխաններ տալ, բնական է այդ հարցերին նա պատասխանել չի կարող:
-Մի քանի օր առաջ մեկնարկած քարոզարշավի ընթացքում արդյո՞ք բոլոր թեկնածուներին տրվել են հավասար պայմաններ:
-Նմանատիպ խնդիրներ պարզապես չկան և չեն լինում, որ թույլ չտան:
-Ի՞նչ եք կարծում, այս ընթացքում դուք արդեն չէիք ձևավորել Ձեր ընտրազանգվածը և ում օգտին կգնան հիմա այդ ձայները:
-Ասել էի, որ ինձ ձայն են տալու այն անձինք ովքեր գիտակցում են հանրային շահը:
Գիտակցում եմ, որ այդ հատվածը այլընտրանք այլևս չունի, սակայն կարծում եմ, որ ինքնաբացարկս արդարացված էր, և դա կհիմնավորվի առաջիկայում:
Ինքս չեմ մասնակցելու ընտրություններին որպես ընտրող, քանի որ վատի և վատագույնի միջև ընտրություն չեմ անում:
-Թեկնածուներից ու՞մ եք տեսնում Պռոշյանի գյուղապետի պաշտոնում:
-Բոլոր թեկնածուների հետ ունեմ լավ հարբերություններ, կա հարգանք, բայց այդքանը բավարար չէ, որ նրանցից որևէ մեկին ես ցանկանամ տեսնել որպես համայնքի ղեկավար: Անգամ իմ քննադատությունները ուղղված չեն նրանց` որպես համայնքի բնակիչներ, այլ ուղղված են միայն որպես թեկնածուներ, որոնք իմ կարծիքով լավ ղեկավարներ լինել չեն կարող: Այնուամենայնիվ, թող սխալված լինեմ այդ հարցում: Ընտրվողին կմաղթեմ հաջողություն, թող կարողանա համայնքում առկա խնդիրները լուծել և շենացնել այն:
Զրուցեց` Գայանե Մելիքյանը:
