Հայտնի են «Օտար լեզվով լավագույն ֆիլմ» անվանակարգում Օսկարի հավակնող ֆիլմերը

Ամերիկյան կինոարվեստի ակադեմիան հրապարակել է 9 ֆիլմերից կազմված կարճ ցուցակ, որոնք «Օսկարի» են հավակնում «Օտար լեզվով լավագույն ֆիլմ» անվանակարգում:
ՕՍկար են առաջադրվել ավստրիացի ռեժիսոր Միխայել Հանկեի «Սեր» (Amour), կանադացի Կիմ Նգուենի «Պատերազմի վհուկ» (War Witch), չիլիացի Պաբլո Լարիանի «Ոչ» (No), դանիացի Նիկոլայ Արսելի «Թագավորական սիրավեպ» (A Royal Affair), ֆրանսիացի Էրիկ Տոլեդանոյի «1+1» (Intouchables), իսլանդացի Բալտազար Կորմակուրի «Անդունդը» (The Deep), նորվեգացի Յոակիմ Ռոնինգի «Կոն-Տիկի» (Kon-Tiki), ռումինացի Քրիստիան Մանգիուի «Բլուրների հետևում» (Beyond the hills) և շվեյցարացի Ուրսուլա Մայերի «Քույրը» (Sister) ֆիլմերը:
Արցախյան պատերազմի մասին պատմող «Եթե բոլորը» և Կարեն Շախնազարովի «Սպիտակ վագր» ֆիլմերը չեն ընդգրկվել նշված ցանկում:

Հաղթողի անունը հայտնի է դառնում երկու փուլերի արդյունքում: Նախ կինոակադեմիայի մի քանի հարյուր անդամներից կազմված հատուկ ժյուրին Լոս Անջելեսում դիտել է 2012-ի արտադրության 71 օտարալեզու ֆիլմ և ընտրել 9-ը: Այնուհետև Լոս Անջելեսում և Նյու Յորքում դիտումների արդյունքում թեկնածությունից կհանեն 4 ֆիլմերը:

Մնացած 5 հավակնորդ ֆիլմերի անունները կհայտարարվեն 2013-ի հունվարի 10-ին: 85-րդ մրցանակաբաշխությունը տեղի կունենա փետրվարի 24-ին' «Հոլիվուդ ընդ Հայլենդ» համալիրի «Դոլբի» թատրոնում, որն ուղիղ եթերով հեռարձակվելում է աշխարհի 225 երկրներում: