Զինծառայողների Ապահովագրության Հիմնադրամը 2017թ.-ի հունվարի 1-ից հատուցումներ է տրամադրում յուրաքանչյուր զոհված զինծառայողի ընտանիքին

Զինծառայողների Ապահովագրության Հիմնադրամը 2017թ.-ի հունվարի 1-ից հատուցումներ է տրամադրում յուրաքանչյուր զոհված զինծառայողի ընտանիքին, ինչպես նաև մարտական գործողությունների ընթացքում վիրավորված զինծառայողներին: Դեկտեմբերի 20-ի դրությամբ Հիմնադրամը հատուցում է տրամադրել 33 զինծառայողի կամ նրանց ընտանիքներին: Հիմնադրամը հավաքագրած միջոցները կազմում են 52 մլրդ 420 մլն 402 հզր դրամ, որից 77 մլն 429 հզր. դրամը հավաքագրվել է նվիրատվությամբ:

Նշված գումարից որպես հատուցում տրամադրվել է 362 մլն 200 հզր. դրամ:

Հիմնադրամը դրամական փոխհատուցում է տրամադրել 27 զոհված զինծառայողի ընտանիքի և ծառայության ընթացքում հաշմանդամություն ձեռք բերած 6 զինծառայողի:

Զինվորական կոչումով ժամկետային պարտադիր զինծառայող, շարքային, 1-ին խմբի հաշմանդամ Կորյուն Կիրակոսյանին միանվագ տրվել է 10 մլն դրամ, իսկ հետագա 20 տարիների համար սահմանվել է ամսական 200 հզր. դրամ:

Զինվորական կոչումով պայմանագրային զինծառայող, ավագ սերժանտ , 2-րդ խմբի հաշմանդամ Ալեքսան Ավանեսյանին միանվագ տրվել է 5 մլն դրամ, և հետագա 20 տարիների համար ամսական հատուցման գումար է սահմանվել 150 000 դրամը:

Զինվորական կոչումով ավագ սերժանտ, 1-ին խմբի հաշմանդամ Արմեն Ալիխանյանին միանվագ տրվել 10 մլն դրամ, իսկ հետագա 20 տարիների համար ամսական վճար է սահմանվել 250 հզր. դրամը:

Զինվորական կոչումով ժամկետային պարտադիր զինծառայող, շարքային, 1-ին խմբի հաշմանդամ Թաթուլ Հարությունյանի միանվագ տրվել է 10 մլն դրամ, իսկ հետագա 20 տարիների համար ամսական վճար է սահմանվել 200 հզր. դրամը:

Զինվորական կոչումով ժամկետային պարտադիր զինծառայող, շարքային, 1-ին խմբի հաշմանդամ Նարեկ Գրիգորյանին միանվագ տրվել է 10 մլն դրամ, հետագա 20 տարիների համար ամսական վճար է սահմանվել 200 հզր. դրամը:

Զինվորական կոչումով պայմանագրային զինծառայող կրտսեր սերժանտ, 2-րդ խմբի հաշմանդամ Ռոման Գևորգյանին միանվագ տրվել է 5 մլն դրամ, իսկ հետագա 20 տարիների համար ամսական վճար է սահմանվել 150 հզր. դրամը: