Ո՞ր մարզերում են մենաշատը ծխում. հետազոտության արդյունքներ

«Էմպերիկա» հետազոտական ընկերության հիմնադիր տնօրեն Մարիամ Մխիթարյանը ներկայացրեց 2017 թվականի նոյեմբեր ամսին իրականացված Սպառողների ազգային ասոցիացիայի պատվերով իրականացված սոցիոլոգիական հարցման արդյունքները, որի նպատակն է պարզել հասարակությունում ծխախոտի օգտագործման վերաբերյալ առկա դիրքորոշումները և պատկերացումները: Հարցումը իրականացվել է 18 տարեկանից բարձր անձանց շրջանակներում և Հայաստանի բոլոր մարզերում:

«Ընդհանուր առմամբ ծխախոտի օգտագործման փորձ ունեցել է հարցվածների 35,2 տոկոսը, որոնցից 4,9 տոկոսը վերջին հինգը տարիների ընթացքում հրաժարվել է ծխելուց: Կանայք, ի տարբերություն տղամարդկանց, անհամեմատ ավելի քիչ են ծխում`4%, սակայն ծխախոտ օգտագործելու պարագայում կանայք գրեթե չեն հրաժարվում ծխելուց»,-ասաց նա և նկատեց, որ մարդկանց մոտ տարիների ընթացքում ծխելու նկատմամբ մերժողականություն մեծանում է:

«Երիտասարդ տարիքում ծխելն ավելի տարածված է մոդայիկ է դիտարկվում, իսկ ավագ սերնդի ներկայացուցիչների մոտ նվազում ծխելու միտումը: Ծխախոտի արտադրանքի միջին վիճակագրական սպառողները հանդիսանում են Երևանի 30-49 տարեկան բարձրագույն կրթության արական սեռի ներկայացուցիչները, որոնց ընտանիքի միջին ամսական եկամուտը տատանվում է 300-400 հազար դրամի շրջանակներում, ունեն հիմնական աշխատանք մասնավոր ոլորտում»,-ասաց նա և նշեց, որ ծխող քաղաքացիների մեծ մասը օրվա ընթացքում մեկ և ավելի տուփ են օգտագործում:

Մարիամ Մխիթարյանը նշեց, որ երիտասարդների շրջանում ծխելու տարածման հարցում կարևոր է շրջապատի ազդեցությունը: Ինչ վերաբերում է ծխախոտի գնի հավանական աճի դեպքում ծխողների վարքագծին, ապա նա ներկայացրեց, թե հարցին, որ եթե ծխախոտի գինը օրինակ` 250 դրամից դառնա 1000 դրամ, ինչպե՞ս կվարվեն, ծխող հարցվածների միայն 22.1 տոկոսն է ասել, որ կկայացնի ծխելուց հրաժարվելու որոշում: Նա նշեց, որ երկրում իրականացվող հակածխախոտային քարոզչության իրականացման տեղեկացվածությունը կազմում է 51,2 տոկոս, որից կեսից ավելին չծխող քաղաքացիներ են:

Ընկերության տնօրենը հայտնեց, որ ըստ ուսումնասիրության` ամենաշատը ծխում են Արագածոտնի և Արարատի մարզի բնակիչները, բայց միևնույնն է, մարզերում ավելի քիչ են ծխում, քան Երևանում, իսկ Երևանում էլ ամենաշատ ծխող քաղաքացիները Նոր Նորք և Դավթաշեն վարչական շրջաններում են: