Ինչպես են Էրդողանի մարդիկ գնել գերմանացի բռնցքամարտիկներին՝ հայերի դեմ բողոքներին մասնակցելու համար

Գերմանական Osmanen Germania բռնցքամարտի ակումբը գումարներ է ստացել թուրքական իշխանություններից՝ զենք գնելու, Էրդողանի ընդդիմախոսների դեմ բողոքի ակցիաներ կազմակերպելու և հետապնդելու համար։ Այս մասին գրում է «Deutsche Welle»-ն՝ հղում տալով «ZDF» ալիքի և «Stuttgarter Nachrichten» թերթի համատեղ հետաքննության արդյունքներին: 

Նյութերի աղբյուր են հանդիսացել ոստիկանության կողմից ձեռք բերված հեռախոսային խոսակցությունների ձայրագրությունները և մի շարք այլ ապացույցներ, որոնք էլ հետագայում ընկել են լրատվամիջոցների ձեռքը:

Osmanen Germania-ն, որն իրեն բռնցքամարտի ակումբ և «եղբայրություն» է անվանում, վաղուց գտնվում է Գերմանիայի իշխանության ուշադրության կենտրոնում։ Կազմակերպությունը 20 բաժանմունք և 2500 անդամ ունի ողջ երկրում։ Թուրքիայի իշխող «Արդարություն և զարգացում» կուսակցության անդամ Մեթին Քյուլյունքն ակումբի ղեկավարությանը ուղիղ կամ միջնորդների միջոցով գումարներ է տվել։ Ենթադրաբար Քյուլյունքը մեղսակից է 2016թ. Հայոց ցեղասպանության ճանաչման դեմ բողոքի ակցիաների կազմակերպման մեջ։

Թուրք խորհրդարանականի վստահված անձանցից մեկը Osmanen Germania-ի նախկին ղեկավար Մեհմեթ Բաղչին է, որը 2015-ից կալանքի տակ և սպասում է դատավճռին։ Կալանքի տակ է նաև ակումբի փոխնախագահ Սելչուկ Շահինը։ Գերմանական ծառայությունները արձանագրել են,թ ե ինչպես է Քյուլյունքը գումար տվել ակումբի անդամներին։