Արցախ այցելած թուրք մտավորականները ներողություն չեն խնդրել Ադրբեջանից․ հայտարարություն

Հայտնի 4 թուրք մտավորականներ Սաիթ Չեթինօղլուն, Ալի Բայրամօղլուն, Ուֆուք Ուրասը և Էրոլ Քաթըրջըօղլուն հայտարարել են, թե օրեր առաջ Թուրքիայի ԱԳ նախարար Մևլութ Չավուշօղլուի կողմից իրենց մասին ասածները չեն համապատասխանում իրականությանը։ Այս մասին գրում է Demokrathaber-ը:

Այս տարվա սեպտեմբերին Արցախ այցելած 4 թուրք մտավորականները Թուրքիայի ԱԳ նախարարի խոսքերից հետո հանդես են եկել համատեղ հայտարարությամբ։

«Ադրբեջանին ուղղված մեր նամակում չկա «ներողություն», «զղջալ» կամ նմանատիպ իմաստ արտահայտող մտքեր։ Բացի այդ, մեր նկատմամբ Թուրքիայում որևէ հետաքնննություն չի սկսվել։ Մենք Մևլութ Չավուշօղլուին ասել ենք, որ մենք մտավորական ենք, լրագրող ենք ու այցելում ենք հակամարտ գոտիներ ու մեր այցելությունը իրավական կարգավիճակների հետ կապ չունի։ Մենք դեմ ենք, որ Չավուշօղլուն մեր ասածները խեղաթյուրած ներկայացնի»,-ասվել է հայտարարության մեջ։