Երևան- Մոսկվա ու հետադարձ չվերթները իրականացվում են ուշացումով

Երևան- Մոսկվա ու հետադարձ չվերթները իրականացվում են ուշացումով։

«Զվարթնոց» միջազգային օդանավակայանի կայքի տեղեկություններով, դեկտեմբերի 2-ին, ժամը 10-ի դրությամբ ուշացումով են իրականացվելու դեպի Մոսկվա «Աէրոֆլոտ» ընկերության չվերթները, որոնք ծրագրված էին ժամը 8-ին ու 11։20-ին, նաև դեպի Մոսկվա «Ուրալյան ավիաուղիներ» ընկերության չվերթը, որը ժամը 15-ին է ծրագրված։ Համապատասխանաբար, ուշացումով են իրականացվում նաև «Աէրոֆլոտ» ընկերության երկու ու «Ուրալյան ավիաուղիներ» ընկերության մեկ չվերթը հակադարձ ուղղությամբ՝ Մոսկվայից Երևան։

Չվերթների ուշացումները, ըստ երևույթին, կապված են Մոսկվայում տեղացած առատ ձյան հետ։ Նախօրեին Մոսկվայում ուժեղ ձյան պատճառով հետաձգվել է ավելի քան 100 չվերթ։ Դեկտեմբերի 2-ի կեսգիշերին մոտ «Շերեմետևո» օդանավակայանում հետաձգվել է 88 չվերթ, իսկ «Դոմոդեդովո» օդանավակայանում՝ 16 չվերթ, ևս 12-ը՝ «Վնուկովո» օդանավակայանում, փոխանցում է ՌԲԿ-ն։

Մինչդեռ Երևան- Մոսկվա- Երևան մյուս չվերթները իրականացվում են սովորական ռեժիմով։