Խորթ հայրը այրել է դստերը՝ իրեն արթնացնելու համար

Միչիգանի 25-ամյա բնակիչը խոստովանել է, որ դանակահարել է իր խորթ դստերը այն պատճառով, որ նա արթնացրել է իրեն ու ուտելիք խնդրել:  Այս մասին հայտնում է Podrobnosti.ua կայքը:

Ըստ People ամսագրի տվյալների՝ հետո Թոմաս Մաքքլելլանին մեղավոր են ճանաչել Լունա անունով հինգամյա աղջկա սպանության մեջ, ում մարմինը նա հետո այրել է: Նրան այժմ ցմահ բանտարկություն է սպառնում:

Նշվում է‚ որ աղջիկը քաղցած է եղել ու խորթ հորը խնդրել է կերակրել իրեն: Մարդասպանի խոսքերով, ինքը փորձել է ետ հրել փոքրիկին, սակայն նա շարունակել է պնդել:

Դրանից հետո տղամարդը կատաղել է և նրան առնվազն հինգ անգամ հարվածելով շարունակաբար գոռացել ՝ «դեռ ընթրիքի ժամանակը չէ»:

Այդ ժամանակ Լունայի մայրը գտնվել է աշխատավայրում:

Թոմասը դատարանում պատմել է, որ նստել է դիմադրող աղջկա վրա, հանել գրպանի դանակը և սկսել հարվածներ հասցնել կրծքավանդակին: Նրան հարցրել են զոհվածի արձագանքի մասին, ինչի վերաբերյալ տղամարդը պատասխանել է՝ նա լալիս էր ու հազում, ոչ շատ երկար: Հետո Թոմասը երեխայի մարմինը ծածկել է ծածկոցներով, օղի լցրել ու այրել: Աղջկա մարմինը գտել են հրշեջները, ովքեր ժամանել են կանչով: