Բոլոր երկրները պարզապես փորձում են բիզնես անել Արցախի հաշվին
Ես իհարկե շատ լավ եմ հասկանում, որ Արցախի հարցը աշխարհում իրականում կարևոր է միայն երկու պետության համար, դա Հայաստանն ու Ադրբեջանն է, մնացած բոլոր երկրները ու դրանց ներկայացուցիչները պարզապես փորձում են բիզնես անել դրա հաշվին:
Բայց երբ Հայաստանի կողմից ԵՄ համաձայնագրի ստորագրումից հետո Ադրբեջանը սկսում է նույն այդ եվրոպական երկրների քարոզչությունը անել, դա արդեն վտանագավոր է:
Հայաստանի հետ կապված ցանկացած իրավիճակից հետո ադրբեջանական կողմը գործի է դնում իրենց սև խավիար սիրող մի շարք հարցազրույց տվողներին, որոնց արտահայտած մտքերին անգամ լուրջ չեն վերաբերվում ադրբեջանցիները:
Հիմա նման մի քաղաքագետ ՝ Անտոն Բեբլերը, ով ՄԱԿ-ում Սլովենիայի նախկին ներկայացուցիչն է եղել, հարցազրույց է տալիս ադրբեջանական կայքերից մեկին: Հարցազրույցի մեջ մասը իհարկե Ալիևի քաղաքականության գովաբանումն է, սակայն վերջում Բեբլերը հայտարարում է, որ Եվրոպան շատ խնդիրներ ունի և Արցախի հարցով զբաղվելու ժամանակ չունի:
Ըստ նրա Եվրոպան միայն մեկ դեպքում չի ցանկանում, որ Արցախում պատերազմ լինի, որովհետև ավելորդ փախստականներ չի ցանկանում հյուրընկալել: Քանի որ ցանկացած պատերազմի սկսման ժամանակ փախստականների հոծ բազմություն է գնում եվրոպա:
Ու նման հայտարարությունը Ադրբեջանը փորձում է օգտագործել, որպես իր երկրի ճիշտ քաղաքականություն: Զուտ չեն ցանկանում փախստական ընդունել, թե չէ ով կզոհվի , քանի հոգի և այլն, ոչ մեկին չի հետաքրքրում:
Աշոտ Ասատրյան. Ֆեյսբուք